Musika-ipuin batez gozatu genuen Euskadiko Orkestrako eta Dantzertiko interpreteekin
Neska batek iluntasunaren haitzuloa aurkitu nahi du. Hor, jotzen ez duenean, atseden hartzen du musikak. Euskadiko Orkestra Sinfonikoaren musikariek osatutako hari eta piano boskote batek eta Dantzertiko (Euskadiko Arte Dramatiko eta Dantza Goi-mailako Eskola) artista-talde batek bilaketa horretan lagunduko diote. ‘Isiltasunaren haitzuloa‘ musika-ipuinaren adierazpenak publikoaren arreta erakarri zuen. Miramon (Donostia), OSEren egoitza, jendez beterik egon zen.
Maldatxoko eta Irungo gure EPSZetako hogeita hamar erabiltzailek protagonistaren gorabeherei jarraitu zieten. Helburua musikaren hizkuntzak ezkutatzen dituen misterioak erakustea da, soinu-banda pedagogiko eta hurbil baten eskutik: Handelen ‘Sabako erreginaren sarrera’, Edith Piafen ‘La Vie en Rose’ edo Paul Simonen ‘The Sound of Silence’ abestiak. Eserlekuen patioan zenbait ikastetxetako ikasleak eta gaixotasun mentala edo aniztasun funtzionala zuten beste pertsona batzuk zeuden, hala nola erakunde hauetakoak: AGIFES, Matia Fundazioa, GIZAIDE, Gurutze Gorria, Fundación Why Not edo San Rafael Fundazioa Horiekin batera, hauek ere izan ziren: Gipuzkoako Foru Alduniko Gizarte Politiketako Saileko ordezkariak, haien artean Arantza Ayarza, Osasun Mentaleko eta Arlo Soziosanitarioko Ataleko burua eta Eukene Zapirain eta Jaione Ochoa de Eguileor, bere taldeko gizarte-langilea eta psikologoa hurrenez hurren.
Musika eta dantza bazterkeriarik gabe
OSE aspaldi ari da musika gizarte-sektore guztietara zabaltzeko konpromisoarekin lanean. Izan ere, Aita Menni Ospitalearen barruan taldeak bere ohiko zirkuitutik urrun antolatzen dituen kontzertu batzuez gozatu ahal izan dugu. Bere egoitzan, Musika Gelaren egiten die taldeei jardueren eskaintza. Denboraldi honetan, Mikel Cañadak, Hezkuntza Saileko koordinatzaileak idatzitako ‘Isiltasunaren haitzuloa’ musika-ipuina estreinatu du Euskadiko Orkestrak, beste hiru ekoizpen-lanarekin batera. Lan horiek bi formatutan ematen ditu: “Ikasleentzako kontzertuak” eta “Familian egoteko kontzertuak”.
Vicente Hueso, EPSZetako psikologo klinikoa San Rafael Fundazioko zuzendaria den Tomás Burutaranekin harremanetan jarri zen eta horri esker, urtarrilaren 17an goizeko emanaldian libre zeuden eserleku batzuk hartu zituzten ikasleek. Gure erabiltzaileak beti daude prest erkidegoan edozein kultura eta aisialdi jarduerez gozatzeko, San Rafael Nahasmendu Mental Larriko Egoitza Unitateko egoiliarrak bezala. Oso onuragarria da gaixotasun mentala edo bestelako zailtasunak dituzten pertsonek prestakuntza, kultura, elkarte eta kirol jardueretan gainerako pertsonekin parte hartzea. “Publikoaren artean kontzertu batera inoiz joan ez zen jendea zegoen”, adierazi du Burutaranek. “Niri bizitzan ikusi dudan gauzarik politena da”, esan zion ikusleetako batek.
Hemendik eskerrak eman nahi dizkiogu Euskadiko Orkestrari eta Dantzertiri, mota honetako musika eta dantza ikuskizunak modu inklusiboan partekatzeagatik. Jarduera horiek txalotu nahi ditugu. Eskerrik asko Tomás Burutarani ere, horren berri emateagatik. Espero dugu laster beste aukera batzuk egotea, elkarrekin musikaz goza dezagun.
