Lagundu Aita Menniren gizarte-proiektuekin

Oraindik ez da ofizialki aurkeztu, baina Euskal Herriko Kirol Elkarteen Erregistroan badago dagoeneko. Sortu berri den Aita Menni Kirol Elkartea (AMKE) da. Aita Menni Ospitalearen ekimena da eta bere helburua garuneko kaltea eta jatorri neurologikoko bestelako ezgaitasunak dituzten pertsonen artean kirol-jarduera sustatzea eta garatzea da.

Aita Menni Kirol Elkartearen barruan ezgaitasun desberdinak dituzten pertsonek osatutako taldeak sortuko dira, kirol egokitua egiteko eta Arrasaten, Donostian eta Bilbon entrenatzeko. Talde-kirol bat egiten hastea eta lehiaketa ofizialetan parte hartzea da helburua. Bere ezaugarriak kontuan hartuz, boccia, txirrindularitza eta igeriketa dira aukeratutako diziplinak.

Onura psikiko eta fisikoak

Kirola egiteak onura asko ekartzen ditu. Aldez aurretik pertsona bakoitzaren gaitasun fisikoak aztertzen dira, eta maila eta diziplina jakin bat aukeratzen da. Berdin dio gurpil-aulkia erabiltzea edo ez, izan ere, kirola egiteak, oro har, estimulazio fisiko eta mentala dakar, mugikortasuna hobetzen du, espastizitatea txikiagotzen laguntzen du, giharrak indartzen ditu, oreka eta koordinazioa hobetzen ditu…

Gizarteratzeko tresna

AMKE elkartea erabiltzaile eta pazienteek, zaintzaileek eta entrenatzaileek, boluntarioek eta bazkideek osatzen dute. Kirol egokituak aniztasun funtzionala duten pertsonei elkartzeko eta elkar ikusteko aukera ematen du. Horrez gain, norberaren autonomia sustatzen laguntzen du.

Finantzazioa

Aita Menni Kirol Elkarteko kidea izateko, finantzatzeko eta Liberiako osasun mentaleko “We are like you” proiektuan laguntzeko elastiko tekniko politak egin dira, eta horiek erabiliko dituzte, hain zuzen, gure kirolariek eta begiraleek. Elastiko bakoitzak balio dituen 35 euroetatik 15 euro bi proiektu horiek finantzatzeko erabiliko dira, eta gainontzeko 20 euroak jantziaren kostuari dagozkio.

Elastikoen neurri hauek eros daitezke: S-M-L-XL-XXL. Bi proiektu horietan laguntzeko erosi nahi baduzue, Amaia Jauregirekin jar zaitezke harremanetan, 943 794 411 telefonora deituz edo [email protected] helbidera mezu bat bidaliz.