Residente y auxiliar en una de las Residencias de personas mayores de Aita Menni

Adineko pertsona

Ongizatea zure senidearentzat. Lasaitasuna zuretzat.

Aita Menni Ahizpa Ospitalarioek Gipuzkoako eta Bizkaiko adinekoen eguneko zentroak eta egoitzak kudeatzen dituzte, guztira 908 plazarekin.

Gure zentroetan Pertsonan Oinarritutako Arreta Eredua aplikatzen dugu:

Adineko pertsonari arreta pertsonalizatua eskaintzen diogu, bere osasunera, ongizatera eta segurtasunera bideratua, eta bere premia eta gaitasunei egokitua.
Bere gaitasun eta gustuei egokitutako jarduerak eta esperientziak eskaintzen dizkiogu, nahi izanez gero egin ditzan, bere garapen pertsonalean eta ikaskuntzan laguntzeko.
Adineko pertsonarekiko harremana errespetuz eta gertutasunez egiten dugu, bere eguneroko bizitzako erabakiak bere gaitasunen arabera planifika eta har ditzan.
Familiei aholkularitza eta laguntza iraunkorra eskaintzen diegu, hizkuntza gertu eta ulerterrazean.

Esperientzia

1898tik adinekoei laguntza psikiatrikoa ematen diegu
Zentro propioak eta Gipuzkoako eta Bizkaiko Foru Aldundienak kudeatzen ditugu

Berrikuntza eta kalitatea

Espezializazioa dementzietan eta narriadura kognitiboan
Espezializazioa konplexutasun handiko zainketetan
Espezializazioa kalte zerebralean eta iktusean

Ikuspegi humanista

Adineko pertsona da gure asistentzia ereduaren erdigunea
Familiei laguntzeko zerbitzua

Adineko pertsonen egoitzak

564 plaza kudeatzen ditugu egoitzetan

Gure adinekoen egoitzetan, arreta pertsonal integrala eta denboran jarraitua ematen dugu. Batez ere menpekotasuna duten eta egoitza arreta iraunkorra edo aldi baterakoa behar duten 60 urtetik gorako pertsonentzat dira.

Gure egoitzetan:

Adineko pertsonen autonomia pertsonala sustatzen dugu, bakoitzaren mendekotasun fisiko edo psikikoaren arabera, ahalik eta bizimodu normalena izan dezaten.
Egoitzaren bizitza sozialean partaidetza aktiboa bultzatzen
Adinekoak komunitatearen ingurunean, harreman familiar, sozial, politiko eta kulturalak mantentzea nahi dugu.
Adinekoen gaixotasunak eta nahasmenduak kontrolatu eta jarraipen medikoa egiten dugu.

Adineko pertsonen egoitzetan zaintzea →

Egoitza Unitatea

Egoitza Unitateak arreta pertsonal integrala eta jarraitua emateko inguruneak dira, eta, batez ere, Mendekotasuna duten eta etengabeko arreta behar duten 60 urtetik gorako pertsonei zuzenduta daude.

ARRASATE

Aita Menni Ospitalea

BILBO

Txurdinagabarri Adineko Pertsonen Egoitza

DURANGO

Joxe Miel Barandiaran Adineko Pertsonen Egoitza

OÑATI

San Martín Adineko Pertsonen Egoitza

Psikogeriatriako Unitatea

Psikogeriatriako Unitateak dementzia edo nahasmendu psikiatrikoa eta eta jokabidearen nahasmenduren bat duten adineko pertsonei arreta integrala ematera bideratuta daude, haien premiei dedikazio espezifikoa eskainiz, familia giro abegikorrean.

ARRASATE

Aita Menni Ospitalea

BILBO

Txurdinagabarri Adineko Pertsonen Egoitza

OÑATI

San Martín Adineko Pertsonen Egoitza

Errehabilitazio Funtzionaleko Unitatea

Errehabilitazio Funtzionaleko Unitateek diziplina anitzeko arreta indibidualizatua eskaintzen diete mendekotasun iragankor edo iraunkorreko egoeran dauden adinekoei, mantenu osoko erregimenean eta egoitza ingurune batean: ebakuntza baten ondoren suspertzen ari diren adinekoak, egoitza bateko leku baten zain daudenak, edo atseden egonaldia egin nahi dutenak.

ARRASATE

Aita Menni Ospitalea

BILBO

Txurdinagabarri Adineko Pertsonen Egoitza

Adineko pertsonen eguneko zentroak

344 plaza kudeatzen ditugu eguneko zentroetan

Gure eguneko zentroetan mendekotasun egoeran dauden adinekoentzako mantentze eta errehabilitaziorako zainketak eskaintzen ditugu egunaren zati batean. Horrekin, pertsonak beren familia eta gizarte ingurunean ahalik eta denbora gehien eta ahalik eta maila funtzionalik eta bizi kalitaterik onenarekin egoteko aukera erraztea nahi da.

Gure eguneko zentroetan:

Errehabilitazio funtzionala lantzen dugu.Pertsonaren defizit funtzionalak eta psikosozialak tratatzeko eta gaitasunak indartzeko programa espezifikoak aplikatzen ditugu, eta arreta berezia jartzen diegu narriatzeko arrisku handiena dutenei.
Osasun arreta ematen dugu.Jarraipena Osasun Zentroekin eta Osasun Mentaleko Zentroekin koordinatzen da. Aldizka osasun kontrolak egiten ditugu eta osasun hezkuntza eskaintzen dugu erabiltzaileentzat eta senideentzat.
Erabiltzaileari eta haren inguruneari arreta eta euskarri soziala ematen diegu.Bereziki, erabiltzailea ospitalez kanpoko ingurunean mantentzea bilatuz.

Adineko pertsonen eguneko zentroetan zaintzea →

ARRASATE