Udako jarduerak Joxe Miel Barandiaran egoitzan
Uztailean eta abuztuan, urte osoko ohiko jarduerak egiteaz gain, hala nola gimnastika, egunkari edo informatika tailerra, Joxe Miel Barandiaran egoitzako egoiliarrek beste plan batzuez gozatzeko aukera ere izan dute eguraldi onarekin, hala nola Plentziako hondartzan bainu bat hartzea edo Goiuria mendira igotzea aperitiboa hartzeko.
Plentziako hondartzarako irteerak duela urte batzuetatik egiten ditugu, eta Bidaideak elkartearen laguntzari esker antolatzen dira, izan ere, laguntza teknikoa eta begiraleak eskaintzen dizkigute gure egoiliarrek bainuaz eta hondartzaz gozatzeko aukera izan dezaten. Han, uretan sartzen dira, eta aire zabalaz, eguzkiaz eta konpainia onaz gozatzen dute egoitzatik kanpo.
Ondo pasatzen dugun beste jardueretako bat Goiuria mendira egindako irteerak dira. Durangoren gainean dago, eta han aperitiboa hartzen dugu ikuspegi ikusgarriak begiratuz, asmakizunetara jolastuz edo txisteak kontatuz barre eginez.
Aurten, gure Athletic handiak merezita irabazitako Superkopa ere ospatu dugu. Abestu genuen, horri buruzko artikulu bat idatzi genuen gure egunkarian eta zenbait eskulan egin genituen zentroa gorriz eta zuriz apaintzeko.
