Uda, gure Irakurketa Errazeko Kluba bultzatzeko denbora
Eider Aizpuru gure logopeda Irakurketa Errazean (IE) prestatzeari esker, irakurketa errazeko klub bat sortu zen Donostiako Aita Menni Kalte Zerebraleko Eguneko Zentroan.Irakurketa errazari esker, Zuatzuko erabiltzaileak Ander Izagirreren “Regreso a Chernóbil” irakurtzen egon dira.Bere bigarren liburua da!
Donostiako kazetariak uda abegi-familiekin emateko Euskadira etortzen diren umeak daudela azaltzen du bere liburuan. Protagonistek gutun bat idatzi nahi diete familia horiei, duela 30 urte dagoeneko gertatu zena kontatzeko.
“Liburu honi esker, Txernobyleko hondamendia gogoratzeko eta horri buruz zerbait gehiago jakiteko aukera izan dugu. Horrez gain, Chernobil Elkartearen lanaren berri ere izan dugu”, esan digu Eider Aizpuruk. Eta ez bakarrik liburua irakurtzeagatik, izan ere, Lide Álvarez eta Daniel Sánchez, Chernobil Elkarteko kideak, udan hartzen duten Katya Adamenko ukrainar neskarekin (Dytyatkyko herrikoa) joan ziren zentrora.
Bestalde, liburua irakurketa klubeko parte-hartzaileek bakarrik irakurri badute ere, erabiltzaile guztiek jardueraz gozatu dute, izan ere, familietan haurren harrerari eta Ukrainako eta Txernobyleko gaur egungo egoerari buruz hitz egitea ez da egun guztietan egin daitekeen zerbait. Denek galdera asko egin zituzten.Katyak dantzatu eta abesti bat ukraineraz ere abestu zuen!Familiak Ukrainako galletak ere ekarri zizkigun.“Halaber, beraien bisita eskertzeko, zentroan ‘ongi etorri’ ukraineraz jartzen zuen kartel bat marraztu genuen, eta Katyari guretzat irakurtzeko eskatu genion”, kontatu du gure logopedak.“Gainera, opari txiki bat egin diogu: gure IEko irakurleek egindako eskumuturrekoa”.
Zalantzarik gabe jarduera hau erraza izan da, baina baita aberasgarria ere maila askotan.Askotarikoak dira onurak, hasi komunikazio-gaitasunak sustatzetik, ulermena eta irakurmena hobetu eta garatzeraino. Zorte handia da Irakurketa Errazaren bidez beste errealitate batzuk ezagutzea.
