Txurdinagabarrin Gabonetako dekorazioa prestatzen
Joan den ostegunean, azaroak 14, Txurdinagabarriko egoiliar talde bat Barakaldoko MegaParkeko Ikeara joan zen, egoitzako Gabonetako dekorazioa prestatzen hasteko. Jarduerak erosketak eta aisialdia uztartu zituen, eta partaideei zentroko espazio komunak girotzeko apaingarriak aukeratzea ahalbidetu zien, jaiegunei begira.
Bisitan zehar, egoiliarrek establezimenduko korridoreak arakatu zituzten, Gabonetako espiritua islatzen duten elementu apaingarriak arretaz hautatzeko. Lehen erosketak egiteaz gain, hurrengo erosketetarako ideiak eta produktuak “fitxatzeko” aprobetxatu zuten. Esperientziak, zentroa jaietarako prestatzea ez ezik, goiz ezberdin eta atsegin batez gozatzeko aukera ere eman zien.
Saskiak Gabonetako apaingarriekin bete ondoren, egoiliarrak Txurdinagabarrira itzuli ziren irribarrea aurpegian zutela eta gogotsu jardueran parte hartu izateagatik. Zentroko taldeak erregularki antolatzen dituen horrelako ekimenen helburua adinekoen autonomia, sozializazioa eta gozamena sustatzea da, bizikidetza eta aisialdiko uneak bultzatuz.
Irteera honetan Gabonetarako erositako apaingarriak datozen asteetan erabiliko dira egoitza espazio bero eta abegikor bihurtzeko, Gabonetako ospakizunen zain.
