Trafiko istripu baten osteko patologia psikiatrikoaren aldeaketak aztertzen ditugu
Automobil aseguruen konpainia, medikuntza forentse, balorazio mediko eta epailetzako 400 profesional inguru elkartu ziren Gorputzeko Kaltea Baloratzeko XV. Jardunaldien inguruan, MAPFRE Fundazioak antolatutako ekitaldian, gorputzeko lesioen eta sekuelen balorazio medikoari eta legalari lotuta teknikoki konplexuenak diren erronkak aztertzeko. Topaketa modu presentzialean egin zen Madrilgo Reina Sofía Museoan, urriaren 26an eta 27an.
Gorputzeko kaltearen balorazioari buruzko ezagutzak trukatzeko testuinguru horretan, J. Ignacio Quemada doktore, psikiatra eta Kalte Zerebralaren Menni Sareko zuzendariak gaixotasun psikiatrikoen larriagotzearekin eta horrek gorputzeko kaltearen balorazioan duen eraginari lotutako hainbat alderdi garrantzitsu jorratu zituen, trafiko istripuen biktimei konpentsazio justua emateko.
Sekuela psikikoak 35/2015 Legearen baremoan
Gure psikiatraren hitzaldiak 35/2015 Legearen baremoko sekuela psikikoak errepasatu zituen, CIE 10 eta DSM V sistemen araberako gaixotasun mentalen berrikuspen batekin batera (nahasmendu organikoetatik nortasunaren nahasmenduetara), ahaztu gabe patologia psikiatrikoaren faktore etiologikoak –hala nola estres akutua eta kronikoa–, sintomak, horien maiztasuna eta intentsitatea, larritasun adierazle batzuk eta jarduera perizial psikiatrikoari lotutako hainbat alderdi, edo psikopatologiaren eta gorputzeko kaltearen arteko harremana. Halaber, bere ponentziak nabarmendu zuen funtzionalitateak eta gaitasunak garrantzia dutela gorputzeko kaltea baloratzeko, baita pertsonek gorputzeko lesio bat izan ondoren izan dezaketen desgaitasuna aitortzeko eta laguntza sozialak zehazteko beharra ere.
Quemada doktoreak hau azpimarratuz amaitu zuen bere hitzaldia:
- Gaixotasun mental larria duten pertsonek jatorri organikoko ondorio psikikoak izan ditzakete garezur-garunetako traumatismo larri baten ondoren.
- Gaixotasun mental larria duten pertsonek bigarren mailako sekuela psikikoak izan ditzakete, hala nola estres akutu mehatxagarri bat, estres kronikoa edo galera esanguratsu bat.
- Honatx larriagotze horiek objektibatzen lagun diezaguketen adierazleak:
- gaixotasun mentalaren sintomen maiztasuna edo intentsitatea.
- eguneroko bizitzako jardueretarako eta jarduera instrumentaletarako autonomia edo funtzionaltasuna galtzea.
- jasotako tratamenduen aldaketa.
- gizarte laguntzak handitzea.
- desgaitasunaren aitorpen ofizial handiagoa.
Eztabaida mahaia Eneko Barberia doktore eta Kataluniako IMLyCFko zuzendariak moderatu zuen, eta partaideak izan ziren, halaber, Andres Santiago doktorea, UCMko Lege Medikuntzako Eskolako zuzendariorde eta Madrilgo San Carlos Ospitale Klinikoko Lege Medikuntzako Zerbitzuko burua, eta M. Teresa Pinilla doktorea, Majadahondako Puerta de Hierro Unibertsitate Ospitaleko Otorrinolaringologiako espezialista, eta tratamenduei eta ospitaleratzeei lotutako hainbat adierazle aipatu ziren, baita gorputzeko kaltearen balorazioan eragina izan dezaketen beste faktore batzuk ere. Jarduera perizialaren metodologiak interesa piztu zuen hainbat gairekin, horien artean aurretiko txostenen berrikuspena, pazientearen miaketa, informatzaileekin elkarrizketak egiteko aukera eta neuropsikologiako proba osagarriak egiteko aukera, esaterako, neuroirudia.
