Tertulia literario dialogikoei buruzko prestakuntza jaso dugu
Aita Menni Ospitaleko Psikologia Departamentuko eta Errehabilitazio Psikosozialeko Zerbitzuko hainbat kidek tertulia literario dialogikoei (TLD) buruzko ikastaro bat jaso dute —zehazki, psikologiako 8 profesional eta 10 begirale, eta gure zentroak Deustuko Unibertsitatearekin lankidetzan ematen duen Osasun Orokorreko Masterreko 5 psikologo—.
“Tailerren helburua da interbentzioa gauzatzeko gaitasun profesionalak hobetzea eta jarduera asistentzial eta terapeutiko berriak sartzea“, Psikologia Departamentuko arduradun eta prestakuntza horren sustatzaile Ana I. Dominguez psikologiako doktorearen arabera. Eskoletan moderatzailearen rola eta dinamikaren jarraibideak azpimarratu dira.
Tertulia literario dialogikoak saioen oinarrian elkarrizketa (berdintasunezkoa eta pertsonen artekoa) eta literatura obra unibertsal baten testu baten irakurketa daude. Partaideei beren bizitzak eraldatzen laguntzen duten ikuspuntuak eta trebetasunak garatzeko aukera ematen diete. Moderatzailearen edo terapeutaren zeregina ez da hitzaldi bat ematea, errespetua mantentzen dela eta pertsonak eroso eta legitimatuta sentitzen direla ziurtatzea baizik. Liburu bat irakurtzeak eta komentatzeak, ebidentzia zientifikoen arabera, hizkuntzaren eta komunikazioaren trebetasunak hobetzen ditu, laguntasun eta errespetu harremanak sortzen ditu, elkartasuna eta jokabide prosoziala sustatzen du, eta, ondorioz, parte hartzaileen ongizate emozionalean eta autokontzeptuan hobekuntzak ikusten dira.
Horrenbestez, Aita Menni Ospitalean testatu zen tertulia literario dialogikoen erabilera, Deustuko Unibertsitatearen INTERACT I+G Proiektuaren barruan: Ingurune interaktiboak dibertsitate funtzionaleko testuinguruen inklusiorako: garapena, ikaskuntza eta bizikidetza hobetzea. Aitana Fernandez Villardon psikologoak egin zuen ikerketa, eta bere doktore tesiaren parte izan zen.
Ikaskuntza dialogikoa
Hain zuzen ere, Aitana Fernandez Villardon arduratu da tailerra emateaz. Ikuspegi dialogiko baten barruan, zeinean esanahiak elkarrizketaren bidez sortzen baitira (Bakhtin, 1981), eta oinarritzat hartuta joan den mendeko hirurogeiko hamarkadaren hasieran Lev Vygotskyk pentsamendu indibidualean adierazitako hizkuntzaren ondorio eraldatzaileak, azpimarratu zen pentsamendua jarduera intersubjektiboaren prozesu sozialaren barruan garatzen dela eta hizkuntzaren bidez neurtzen dela.
Elkarrizketa askatzailea da. TLDak era guztietako pertsonentzat daude zabalik, maila akademikoa edo ekonomikoa edozein dela ere. Eztabaidarako horrelako topaketak antolatuz, parte hartzaileengan bizitzaren zentzua sortzea sustatu nahi da.
Psikosia duten pertsonek nortasuna zatikatua dute, eta horrek beren eta besteen pertzepzioa, pentsamenduak eta emozioak integratzea eragozten du. Eremu dialogikoa –non sentimenduak errespetu eta onarpen ingurune batean adieraz daitezkeen– funtsezkoa da norberaren zentzua har dezaten. “Berdintasunezko elkarrizketa funtsezkoa da errespetuan eta onarpenean oinarritutako interakzioak garatzeko, parte hartzaileak adierazteko eta ulertzeko konfiantzazko ingurune batean daudela sentitu ahal izan daitezen”, azpimarratu zuen irakasleak.
