Superheroiak Txurdinagabarrin

Azken urte hau oso gogorra izan da Txurdinagabarri Egoitzan, bereziki egoiliarrentzat: oso indartsuak eta ausartak izan dira egoera honetan, benetako heroiak.

Hori dela eta, zer hoberik Inauterietarako superheroi ezagunez mozorrotzea baino: Batman, Spiderman, Superman, Amerika Kapitaina eta Thor.

Hortaz, aste batzuk lehenago, buru-belarri hasi ginen mozorroak prestatzen. Solairu bakoitzean superheroi baten mozorroa egin genuen, nahiz eta gero superheroi guztiez mozorrotu ginen solairu guztietan. Eta gero, denon artean, photocall-a egin genuen.

Aurten, ezin izan gara egongelan elkartu, beste urte batzuetan bezala, eta eguraldi ona egiten zuenez, goiko terrazara eraman genuen festa. Bi egunetan egin dugu festa: Inauterien asteko astearte eta asteazkenean. Horrela, solairu eta modulu bakoitzak bere Inauteri festaz gozatu ahal izan du. Argazki, dantza eta barre ugari egin genuen.

Gainera, torrada gozo-gozoak jan zituzten askarian egoiliar guztiek.

Aurten, desberdin bada ere, asko gozatu ditugu gure Inauteriak.