Sor Fuencisla Martin, Espainiako Ahizpa Ospitalarioen Probintziako Nagusi berria

Abenduaren 2an, Espainiako Ahizpa Ospitalarioen II. Probintzia Kapituluaren batzarrak Sor Fuencisla Martin izendatu du Probintziako Nagusi 2024-2030 eperako.

Sor Fuencisla Martin, probintziako ekonomoa 2016tik, 1979an sartu zen Ahizpa Ospitalarioen Kongregazioan. Jatorriz segoviarra, Sor Fuencislak prestakuntza akademikoa du Administrazioan eta Osasunaren Pastoraltzan. Probintziako ekonomoa izateaz gain, Hospitalitatea landu du Espainiako probintziako hainbat Zentro eta Komunitatetan, ardurak hartuz administrazioan eta osasun pastoraltzan, komunitateko Nagusi izan da eta zentroko kudeaketaz ere arduratu da.

Berrikuntza une honetan gure esker ona adierazi nahi diogu Sor Matilde Porrasi ere, Probintziako Nagusi gisa emandako 8 urteengatik, betiere ahulenak errukiz eta adeitasunez hartu, zaindu eta artatzeko gure misioan lanean.

Sor Fuencisla Martín, a la izquierda, y Sor Idilia Maria Moreira G. Carneiro, Superiora General de Hermanas Hospitalarias — Sor Fuencisla Martin, ezkerrean, eta Sor Idilia Maria Moreira G. Carneiro, Ahizpa Ospitalarioen Nagusi Orokorra.

Fedez eta itxaropenez ekiten diogu aro berri bati, eta San Benito Menni, Maria Josefa Beneragarri eta Maria Angustias gure sortzaileei eskatzen diegu Sor Fuencisla Martinen bidea argi dezaten, Probintziako Nagusi berri gisa, Jainkoaren borondatearen arabera gidatuz.

Gure misioa balio ospitalarioek gidatuta jarrai dezala, pertsonarik ahulenen behar soziosanitarioei erantzunik onena ematen jarraitzeko eta, horrela, gizarte justuagoa eta berdintasunezkoagoa eraikitzeko.