Santi Idigoras oñatiarra, San Martin Egoitzako Erreminiszentzia Tailerrean

Joan den martxoaren 22an,  Oñatiko San Martin Adinekoen Egoitzak Futbolean oinarritutako Erreminiszentzia Tailerraren beste edizio bati ekin zion, eta ekainera arte luzatuko da; bigarren saioan, Santi Idigoras Realeko aurrelari ohi ospetsua izan zen bertan.

Idigoras, jaiotzez oñatiarra, beste bi txuri-urdin ohirekin batera joan zen Egoitzara: Alberto “Bixio” Gorriz –elastiko txuri-urdinarekin jokatutako partiden errekorra du eta Beteranoen Elkarteko presidentea da– eta Michel Loinaz, tailerraren dinamizatzailea; eta horietan batera izan ziren, gainera, Juan Maria Zorriqueta, Futbolari Beteranoen Elkarteen Espainiako Federazioko presidentea (FEAFV), eta Naiara Garay, Egoitzako profesionala.

Tailerreko saioak, bi ordukoak, asteazkenetan egiten dira, eta ekainaren 7ra arte garatuko dira, mota guztietako materialak erabiliz –audioak, bideoak, argazkiak, futbolari lotutako objektuak…–, parte hartzaileengan futbolarekin edo beren bizitzarekin lotutako esperientzien oroitzapena sustatzeko, erreminiszentzia bultzatzeaz gain, harreman sozialak babestu eta motibazioa eta entretenimendua ere eragiten duen jarduera batean.