San Mamesek Txurdinagabarriko talde bat hartuko du berriro

Bilboko Txurdinagabarri adinekoen egoitzako egoiliar talde batek San Mames bisitatzeko aukera izan zuen hilaren 25ean, futbolean oinarritutako Erreminiszentzia Tailerreko saio berezietako baten barruan.

Tailerra urtero egiten da Txurdinagabarrin 2014tik, baina 2020an eten egin zen, Covid-19aren ondorioz. Ahizpa Ospitalarioen Aita Menni eta Espainiako Futbolari Beteranoen Elkarteen Federazioaren (FEAFV)—erreminiszentzia tailerrak antolatzen dituen erakundea da— artean hitzarmen berri bat sinatu ondoren, ekintza hori Bilboko zentrora itzuli da urrian, eta 12 saio egingo ditu datozen hiru hilabeteetan.

San Mamesera egindako bisitak hainbat “lehoi” izan zituen anfitrioi: Jose Angel Iribar eta Andoni Goikoetxea, Atheticeko futbolari ohien elkartearen (AJE) eta Athletic Klub Fundazioaren ordezkari gisa, eta Juan Maria Zorriqueta FEAFVren ordezkari gisa, Dani Ruiz Bazan “Dani”, Pablo Otaolea eta “Tzibi” Juaristiz gain, zeina Txurdinagabarriko tailerraren dinamizatzailea baita. Guztiek egoiliarrei, senideei eta gure egoitzako langileei lagundu zieten instalazioetan egindako ibilbidean.

Athletic Klubaren Museora eta zelaiko beste areto batzuetara egindako bisitaz gain, momenturik zirraragarriena estadioko berdegunera irtetea izan zen, eta oroitzapenerako argazkiak atera zituzten.

Albistea, Athletic Clubaren webgunean.

Albistea, FEAFVaren webgunean.