San Joan suak gauza negatibo guztiak eraman ditu

Ekainaren 23an, Txurdinagabarri Egoitzan, arratsaldean terrazara igo ginen, San Joan gaua ospatzeko.
Txokolatea txurroekin meriendatu eta paperetan idatzi genituen bota nahi genituen gauza negatiboak, ondoren sua gordetzen duen latan sartzeko.

Hezurrak lan handitarako ez dauden arren, batzuek ez zuten zalantzarik izan suaren gainetik salto eginez erritua betetzeko.