San Benito Menni, bihotzez jorratutako historia

Gaur, apirilak 24, egun berezia da gure Komunitate Ospitalario osoarentzat. Gure sortzaile San Benito Menniren festa ospatzen dugu, urtero deitzen, batzen eta hauspotzen gaituena, eta haren bizitza, maitasunaren perfekzioa eta gizatasunaren bikaintasuna ospatzeko aukera berezia da beti. Eta haren historia partekatu nahi dugu beste behin, bihotzez jorratutako historia bat. Gaur, gainera, XXII. Kapitulu Orokorra hasiko da Erroman, Ahizpa Ospitalarioen Kongregazioa dagoen herrialde guztietako ahizpa ordezkariak biltzen dituena.

Aurten San Benito Menniren Kanonizazioaren 25. urteurrena ospatzen ari gara, eta haren historian eta Komunitate Ospitalario gisa utzi digun ondarean jarri nahi dugu arretagunea. Haren historia partekatu nahi dugu beste behin, bihotzez jorratutako historia bat. Gaur, gainera, XXII. Kapitulu Orokorra hasiko da Erroman, Ahizpa Ospitalarioen Kongregazioa dagoen herrialde guztietako ahizpa ordezkariak biltzen dituena.

Benito Menniren giza kalitatea testifikatuta dago haren bizitzaren, balioen eta bertuteen aitorpen historikoarekin; baztertuta dauden pertsonen alde egindako lanengatik, XIX. mendeko Espainian psikiatriaren arloan egindako berrikuntza aitzindariagatik eta, estigma mentalak markatuta, garai hartan ahaztuta zegoen emakumearen aldeko defentsa eta arretagatik.

Bere pertsonaren kontakizunak miresmenez betetzen gaitu, poztu eta on egiten digu. Haren bizitzak eta obrak gaur egun ere inspirazio iturri izaten jarraitzen dute pertsona askorentzat, eta beren eguneroko egitekoan hospitalitate keinu samariarrak txertatzen dituzte, bihotzetik eskainitako hospitalitatearen benetako protagonista bihurtuta.

Haren bizitzara eta historiara modu berezian hurbiltzen gara gaur, bihotzez jorratutako historia batera, San Benito Menniren bizitza eta historiaren ibilbide honen bidez, Ahizpa Ospitalarioek 2024an Espainian dituen 21 zentroen ikuspegitik.

Zerbait bihotzetik egiteak esan nahi du zeregin ospitalarioa gure izatearen sakonenetik, bizi gaituen erabateko kalitate eta gaitasunetik egitea. Bihotzetik “sortzen den betetasun horretatik sendatu eta zaintzera” deituta gaude.

Bihotza sentimenduen egoitza da, eta horien guztien artean bizi da handiena, maitasuna, alegia. Maitasuna ez da lanari gehitutako zerbait, gure jardunaren berri ematen duen nolakotasuna baizik. “Maitatzen dakien bihotzaz sendatu eta zaintzera” deituta gaude.

Bihotzak, gainera, bere baitan ez ixtea behar du, baizik eta besteari, behartsuari, bideko zaurituari, pobreari, zaurgarriari bere maitasuna irekitzea. Ikasgai hori barneratzeko leziorik onena samariar onaren parabolan aurkitzen dugu. Gure hospitalitateak parabola hori erabiltzen du gure sortzaileak gure misioaren hartzaileak maitatzeko zuen bihotzaz hitz egiteko. Hark Jesusen bihotzean ikasi zuen maitasun hori, gizateriaren Samariar Onaren bihotzean. “San Benito Mennik egin zuen bezala, samariar bihotzari jarraituz sendatu eta zaintzera” deituta gaude.