Osasun mentaleko arazoak dituzten emakumeek aurre egin beharreko estigma bikoitza
Martxoaren 8an Emakumearen Nazioarteko Eguna aldarrikatzen dugu, eta Ahizpa Ospitalarioetan ikusgarritasuna eman nahi diogu osasun mentaleko arazoak dituzten emakumeek aurre egin behar dioten estigma bikoitzari. Duela 140 urte, Ahizpa Ospitalarioen erakundea izan zen Espainiako lehen erakundea osasun mentaleko arazoak zituzten emakumeei arreta espezializatua ematen, eta gaur egun emakume horien eskubideen alde borrokatzen jarraitzen dugu, benetako berdintasunaren alde.
Ahizpa Ospitalarioen Errehabilitazio Psikosozialaren Lerroko Emakume eta Genero Batzordeak genero ikuspegia bultzatzen du errehabilitazio psikosozialean. Lehentasunetako bi dira praktika onak partekatzea eta nahasmendu mental larria duten emakumeek pairatzen duten kalteberatasun bereziko egoera ikusarazten lagunduko diguten ekimenak bultzatzea. Eta, jakina, mahai gainean jartzea emakumearen aurkako indarkeria egoera osasun mentaleko arazoak agertzean eta larriagotzen direnean. Osasun mentaleko arazoak dituen emakume batek bikotekidearen aldetik indarkeria jasateko duen arriskua 2-4 aldiz handiagoa da gainerako emakumeekin alderatuta.
Gure Emakume eta Genero Batzordeak argi dauka hainbat ikuspegitatik heldu behar zaiola gaiari: alde batetik, esku hartzean bertan genero ikuspegia txertatzeko ekimenak sustatzen dira. Profesional gisa prestatzea, egoera hori apurtzen laguntzeko. Bestalde, funtsezkoa da sarean lan egitea, eta ez soilik osasun mentaleko sareetan, baizik eta eremu komunitario guztietan emakume horien parte hartzea integratzea eta bilatzea.
Martxoaren 8ko Manifestua
Batzordeko kideek ahotsa eman nahi diete emakume horiei, Ahizpa Ospitalarioen errehabilitazio psikosozialeko zentroetako erabiltzaileei, M8aren harira idatzi duten Manifestuaren bidez. Oso harro daude errehabilitazio psikosozialeko hainbat baliabidetako emakume taldeak osatzen dituzten erabiltzaileek egindako lehen manifestu hori partekatzeaz. Nork bere eskariak eta aldarrikapenak lehen pertsonan egiteko hitza hartzea da gehien ahalduntzen duena.
