Ezagutza

Ikerketa eta berrikuntza

Aita Mennin ikerketa proiektuak garatzen ditugu esparru soziosanitarioaren barruan, zenbait erakunde eta unibertsitaterekin lankidetzan, izan publikoak edo pribatuak, baita Maria Angustias Gimenez Ikerketa eta Garapenerako Fundazioak (FIDMAG) garatzen duen jardueraren esparruan ere; erakunde horrek Ahizpa Ospitalarioak osatzen duten zentroen ikerketa jarduerak gidatu, bultzatu eta koordinatzen ditu.

Berrikuntzaren aldeko gure apustu irmoaren ondorioz, harreman etengabeak ditugu gure jarduera eremuetan aurrerapen teknologikoak gidatzen dituzten erakunde eta enpresekin, eta gure lanean laguntzen digun teknologia txertatzeak errehabilitazio prozesuak errazten ditu eta arreta ematen diegun pertsonen bizi kalitatea hobetzen du.

Artikuluak eta argitalpenak

Gure ezagutzaren zati handi bat gure webgunean eta argitalpen espezializatuetan argitaratzen ditugun artikuluetan islatzen da. Horietan, gure profesionalek beren esperientziak azaltzen dituzte, egiten dituzten azterlanak eta analisiak zabaltzen dituzte, jardueraren hainbat alderdiri buruz hausnartzen dute, eta aholku eta jarraibide erabilgarriak ematen dituzte gaixotasun mentala, desgaitasun intelektuala eta autismoaren espektroko nahasmendua, portaeraren alterazioekin edo kalte zerebrala duten pertsonentzat eta mendekotasuna, narriadura kognitiboa edo dementzia duten adinekoentzat eta senideentzat.

Aita Mennik, halaber, gidak, eskuliburuak, azterketak eta beste argitalpen batzuk editatzen ditu bere asistentzia esparruei buruz.

Irakaskuntza eta prestakuntza

Aita Menni taldeetako profesionalek beren ezagutzak eta esperientzia partekatzen dituzte, garatzen dituzten lan eremuei buruzko hitzaldiak eta konferentziak eskainiz –osasun mentala, desgaitasun intelektuala eta autismoaren espektroko nahasmendua, portaeraren alterazioekin, kalte zerebrala, adinekoak eta psikogeriatria, mendekotasuna…–.

Era berean, maila guztietako prestakuntza espezializatua ematen dute hezkuntzako erakunde askotan, bai publikoetan, bai pribatuetan.

Gainera, Aita Mennik  Unibertsitate eta ikastetxeetako praktiketako ikasle kopuru handi bat hartzen du urtero, aukera izan dezaten lan mundura hurbiltzeko, egiten den jarduera gertutik ezagutzeko eta beren ikasketak sendotzeko.

Barruko prestakuntza

Aita Menni Ahizpa Ospitalarioen zeregina gidatzen duten balioetako bat kalitate profesionala da, horren baitara biltzen direlarik zorroztasuna, kudeaketaren efizientzia, talde lana edo ezagutza etengabe eguneratzea.

Horregatik, Aita Mennik bere profesionalei prestakuntzarako ibilbide bat eskaintzen die, aukera ematen diena trebetasun eta ezagutza berriak txertatzeko, lantzen dituzten gaietako azken aurrerapenen berri izateko eta egiten jakiteko moduan gure erakundeak oinarri dituen balioak txertatzeko.