Neuroerrehabilitazio Zerbitzuko pazienteek ABLE exoeskeleto robotikoa probatu dute
Urriaren 29an, Aita Menni Ahizpa Ospitalarioen Neurorrehabilitazio Zerbitzuko profesionalek ABLE Human Motionen exoeskeletoaren ezaugarriak ezagutzeko aukera izan zuten. Gailua garuneko edo muineko lesioak dituzten pazienteen mugitzeko gaitasunaren errehabilitaziorako da, bai eta esklerosi anizkoitza, parkinsona edo beste baldintza neurologiko batzuk dituztenentzat ere.
Aurkezpena Aita Menni Ospitaleko Berrikuntza Gelan egin zen, eta gailua aurkezteaz gain probatu ere probatu zen, ibileraren errehabilitazioa behar duten bi paziente hauekin: Joseba Azkarate, trafiko istripu batean gertatutako lesio zerbikal baten ondorioz, eta Xabier Sarobe, izan dituen bi iktusen ondorioz.
ABLE Exoskeleton, ABLE Human Motion enpresa katalanak garatutako exoskeletoa, aldakan eta belaunean doitu daitekeen gailu robotiko bat da, eta lau motor ditu, zeinak modu independentean konfiguratzen diren funtzio bakoitza lantzeko. Duela gutxi CE marka lortu zuen Gailu Medikoen Erregelamendu (MDR) berriaren arabera, Europar Batasun osoko ospitale eta errehabilitazio zentroetan merkaturatzeko.
Gailu horrek abantaila batzuk ditu, arina delako eta erabiltzeko moldagarria delako, eta —Human Motion ABLEko zuzendari Alfons Carnicerok dioenez—, merkatuan dauden antzeko beste tresna robotiko batzuk baino askoz merkeagoa delako. Hala, enpresak etorkizun hurbilean bere exoeskeletoko unitateak merkaturatzea aurreikusten du, ez bakarrik erabilera klinikorako, baita etxeko erabilerarako ere, pertsonalizatuz eta are arinago eta merkeago bihurtuz.
Erakustaldian, Aita Menniko mediku errehabilitatzaile eta fisioterapeutek ikusi zuten nola Helena Lopezek ABLE Human Motioneko espezialista klinikoak, parametro pertsonalak egokitu, eta aplikazio mugikor batera eraman zituen, eta exoeskeletoa paziente bakoitzera egokitu zuen, pazienteek gailuaren laguntzarekin ibiltzeko aukera izan zezaten.
Bideoetan ikus daiteke nola Joseba Azkaratek eta Xabier Sarobek berriro ibiltzen ari ziren sentsazio “ikaragarria” izan zuten, exoeskeletoaren teknologia aurreratua baliatuta. Aita Menniko taldearentzat, tresna teknologiko horiek gertutik ezagutzea urrats handia da gure pazienteen mugikortasuna, osasuna eta bizi kalitatea hobetzeko.
