Aita Menni – Hermanas Hospitalarias
Salud mental | Personas mayores | Daño cerebral | Discapacidad intelectual
Gaurkotasuna
SPD errobotak ahoko sendagai solidoen dosifikazioa automatizatzen du. Horri esker, banaketa akatsak murriztu, prozesuaren trazabilitatea hobetu eta zerbitzuaren eraginkortasuna hobetu egiten dira.
Laura Carrillo, Farmazia Zerbitzuko burua
Sendagaiak zuzen ematea funtsezkoa da kalitate oneko osasun arreta emateko. Sendagaiak, eraginkorrak eta seguruak izateko, medikuak agindutakoaren arabera erabili behar dira beti. Hori dela eta, Aita Menni Ospitaleak estrategiak garatzen jarraitzen du, sendagaiekin lotuta dauden prozesu guztietan huts egiteko aukerak ahalik eta gehien murrizteko.
Xede horrekin, Aita Menni Ospitaleko Farmazia Zerbitzuak errobot bat ezarri zuen, zentroko unitateetan dosifikazio sistema pertsonalizatua erabiltzeko. 2019ko urritik emate sistema berri hau arlo guztietan dago. Gailua erabiltzean pazientearen historia farmakologikoa kudeatzeko eta lantzeko prozedura zorrotzari jarraitzen zaio, segurtasuna bermatzeko. Horrela, nabarmen laguntzen du sendagaiak zuzen ematen.
Paziente bakoitzerako ontziratzea eta etiketatzea
Zertan datza SPD? SPD errobotak ahoko sendagai solidoen dosifikazioa automatizatzen du. Horri esker, banaketa akatsak murriztu, prozesuaren trazabilitatea hobetu eta zerbitzuaren eraginkortasuna hobetu egiten dira.
Tresna sofistikatu honek, sendagaien ontziratzea eta etiketatzea paziente bakoitzaren hartualdi bakoitzerako pertsonalizatzen ditu. Horri esker, sendagaiak eman, erabili edo kudeatzen dituzten profesionalen akatsak saihesten dira. Ematea seguruagoa da: sendagai zuzena, dosi egokia eta hartualdi zehatzean. Denbora laburragoan, bai orga muntatzeko, bai hura aztertzeko, arin eta erraz. Prozesuak, ematen den poltsa bakoitzaren argazkia egiaztatzeko sistema bat barne hartzen du. Horrela, sendagaia ikus daiteke eta akatsik dagoen aztertu.
Dosifikazio sistema pertsonalizatu honen xede nagusia da sendagaia ematean eta kudeatzean segurtasuna hobetzea; baita beren sendagaiak erabiltzeko autonomia duten pazienteentzako tratamendu farmakologikoa hobeto betetzea ere.
Nola? Paziente bakoitzak kaxatxo batean jasotzen du bere eguneroko tratamendua, hartualdietan banatuta. Kaxatxo horretan ez da ahaztu behar ahoko sendagai solidoa duen poltsaz gain, errobotak ematen ez dituen beste modu farmazeutiko guztiak (anpoilak, zorroak, injektagarriak eta abar) ere egongo direla.
Laura Carrillok, Aita Menni Ospitaleko Farmazia Zerbitzuko buru gisa, azaldu digu prozesuaren konplexutasunik handiena ez dela medikuen aginduak aztertu eta egokitzea bakarrik, baizik eta programa informatiko biak zuzen integratzea.
“Errobotak egunero ahokoak diren 400 errezeta solido inguru enblistatzen ditu, paziente bakoitzeko gehieneko hartualdiak 8 izanda. Horrenbestez, egunero 1.300 sendagai poltsa baino gehiago ekoizten dira. Poltsa bakoitzean pazientearen identifikazio-datu guztiak eta sendagai bakoitzaren kopurua adierazten dira”, azaldu digu farmazialariak.
SPD zerbitzuarekin:
– Sendagaiekin lotutako prozesuaren segurtasuna handitzen da, ematean eta kudeatzean gerta daitekeen akats kopurua txikiagotuz.
– Prozesuaren trazabilitatea bermatzen da, emandako sendagai guztien lotea eta iraungitzea identifikatuz.
– Tratamendu farmakologikoaren betetzea hobetzen du beren sendagaiak erabiltzeko autonomia duten pazienteen artean.
– Denbora aurrezten du orgak unitateko dosietan prestatzen.
– Sendagaietarako orgak errazago aztertzen dira, azterketa bisualeko sistema baten bidez. Izan ere, emandako poltsa bakoitzaren argazki fitxategi bat gordetzen du. Software horrek poltsa bakoitzean pilulak zenbatzen eta forma eta tamaina aztertzen berrikusten ditu sendagaiak, ezagutze sistema aurreratu batekin. Horrela, edozein irregulartasun aurkitzen badu, ohartarazten du.
– Sendagaiak txikitzen laguntzen du. Poltsa bakoitzean egin daiteke, birringailu automatiko edo eskuko birringailu batekin. Horrela, erizainen denbora arindu eta nahasteak desagertzen dira.
– Sendagaiekin lotutako arazoak aurkitzen laguntzen du.
