Marijaiak bisita egin digu beste urte batez
Abuztua jaien hilabetea da Euskal Herrian, eta Txurdinagabarri Egoitzan pozarren ospatu genuen Aste Nagusiaren etorrera, Marijaiari harrera eginez, zeinak solairu bakoitza zeharkatu zuen egoiliarrak, senideak eta langileak agurtuz.
Astean zehar, joko tradizionalen txapelketa bat antolatu genuen (txingak, lokotx biltzea, igela…), gure fisioterapeutaren eta gure begiraleetako baten seme Alanen laguntzarekin.
Bi egunetan Casilda parkeko pergolara hurbildu ginen “Los Cinco Bilbaínos” eta “Los Tximberos” taldeen emanaldiak ikustera, eta hain bertakoak diren bilbainadekin animatu ziguten arratsaldea.
Etxebarria parkeko barrakak izan ziren gure irteeren beste helmugetako bat. Han txokolatea txurroekin eta patatak meriendatu genituen eta atrakzio batzuetan ibili ginen.
