Monroviako Ahizpa Ospitalarien anbulatorioa inauguratu dute berriro

Argazki hauetan ikus ditzakegu, ahizpa Felicisa, Inca eta sister Lourdesen bisita; langileekin egindako bilera eta instalazio eta zirkuitu berrien bisita, eta Mikel Tellaeche ahizpa Barbararekin, Mental Health Technical Coordinating Committee batzordearen bileraren ondoren.

Osasun Zentroa ofizialki berriro inauguratzeko ekitaldietan besteak beste Monroviako artzapezpikua, Lewis Zeigler agurgarria eta National Catholic Health Council erakundeko ordezkaria den ahizpa Barbara Brilliant izan ziren. 

Benedict Menni Osasun Zentroaren lanak apirileko lehen astean amaitu zituzten, garbiketa-lanekin eta eremuak egokitzen. Lan horietan Zentroko langile guztiek parte hartu zuten. Egun horietan, zirkuituak ere azaldu zituzten, eta eginkizun berriak esleitu ziren hondakinak bereizteko eremua eta isolamendu-eremua artatzeko. OMEren arabera, Liberian ebola kontrolatzea lortu dute sektoreko ikuspegi horri esker hein batean, hala ere, biztanleentzat arriskutsua da oraindik.

Hilaren 14an eta 16an Osasun Ministerioak emandako bi prestakuntza-ikastaro egin ziren National Catholic Health Council erakundearen laguntzarekin. Rudy doktoreak, Afrikaren aldeko Emakumeen Fundazioko kidea eta gaur egun St Joseph’s Catholic Hospital ospitalean ginekologoa denak, azterketa ginekologikoak egiteko eta ebola prozeduren mendeko erditzeetan laguntzeko moduari buruzko prestakuntza-jarduerekin lagundu du.

Liberiarekin egindako lankidetza-proiekturako ekarpen ekonomikoa egin nahi dutenek Laboral Kutxako kontu-korronte zenbaki honetan egin ditzakete dohaintzak: ES52 3035 0001 58 0010126592.

Osasun ministro ohia izandako Gwengale doktoreari egindako bisita Benedict Menni Center zentroan.

Osasun mentaleko proiektua aurretik Osasun ministroa izandako Gwengale doktorearekin eta Osasun ministro berria den Bernice Dahn doktorearekin izandako bileretan babestu dute. 

Felicia Gbortsu eta Inca González ahizpa ospitalariak eta Mikel Tellaeche, Aita Menni Ospitaleko zuzendari kudeatzailea, Osasun Mentaleko Koordinazio Batzorde Teknikoaren (Mental Health Technical Coordinating Committee) kide moduan sartu dira. Zentro hori, plan estrategikoaren garapenaz eta osasun mentaleko programa berriak ezartzeaz arduratzen dira, Osasun Ministerioaren aurretiko “Mental Health Policy”  dokumentuari jarraituz. 

Batzorde horrek oso positibotzat hartu ditu Ahizpa Ospitalarien ekimena eta osasun mentalaren arloan egin ditzaketen ekarpenak, beste herrialde batzuetako esperientziak ezagutuz. Ahizpa Barbara Brillianten (Mothern Patern College of Sciences zentroko zuzendaria, Catholic National Health Council erakundeko ordezkaria MOH&SWn, eta Ministerioko zenbait batzordetako kidea) ekimena eta priektua finkatzen emandako laguntza funtsezkoak izan dira.