“Disfagia eta osasunean dituen ondorioak” jardunaldiak interes handia piztu du
Jende ugari joan zen Bilboko Bolunta aretora, eta besteak beste medikuek, zaharren egoitzetako zuzendariek, erizainek, laguntzaileek, logopedek eta fisioterapeutek aretoa bete zuten, “Disfagia eta osasunean dituen ondorioak” dibulgazio egunean parte hartzeko.
Aita Menni Ospitaleak antolatutako egunaren sarrera moduan, Jose Ignacio Quemadak, Garuneko Kaltearen Menni Sareko zuzendariak, disfagia, irensteko zailtasuna dela gogoratu zuen, eta hainbat ondorio dituela, hala nola desnutrizioa eta irensketagatiko pneumonia.Disfagia iktus baten, traumatismo kraneoentzefaliko baten, nerbio-sistema zentralaren gaixotasunen, endekapenezko gaixotasunen eta zahartzearen ondorioz gerta daiteke.Irensteak (elikadura-boloa ahotik urdailera eramatea) ekintza neuromuskular konplexua ekartzen du, eta ekintza koordinatuak behar dira horretarako.
Gaixotasunarekin zerikusia duen desnutrizioak, ospitaleratutako 65 urtetik gorako hiru pertsonetatik batean eragiten du, edo lautik batean, 65 urtetik beherakoen artean, PREDYCES azterlanaren arabera.Gurutzetako Ospitaleko Nutrizio ataleko buruak, Lucia Laborda doktoreak, ostegunean eman zuen datu kezkagarri hori.
“Gaixoak jakin behar du janaria bere ‘gasolina’ dela, bere tratamenduan sartzen da”, azaldu zuen nutrizionistak. Hala ere, irensketak segurua izan behar du, eta disfagia dagoenean ez da. Haren lankidea den Itzia Salutregi doktoreak, disfagiaren seinaleak deskribatu zituen eta Gurutzetako Ospitaleko Otorrinolaringologia Zerbitzuak aplikatzen dituen probak azaldu zituen, hala nola elikadura-boloarekin eta bolorik gabe egiten den bideoendoskopia.
Disfagiaren errehabilitazioa Logopedia sailean egiten da, elikagaiarekin eta elikagairik gabe. Ángela Fernández de Corresek, Aita Menni Ospitaleko sail horretako buruak, elikatzean giro lasaia egon behar duela nabarmendu zuen, eta disfagiari aurre egiteko teknikak aipatu zituen. Bestalde, ahoko higiene ona oso garrantzitsua dela esan zuen. Aita Menni Ospitaleak BBKren laguntzaz egindako bideoan, irensketa seguruagoa izaten laguntzeko har daitezkeen jarrerak deskribatzen dira.
Edonola ere, Labora doktoreak gaixoak berak bakarrik jatea saiatu behar dugula azpimarratu zuen, eta ahoko elikadura eta elikadura enterala konbina daitezkeela.
Egunaren xedea herritarrak osasun-arazo garrantzi honen aurrean sentikor agertzea eta gerta daitezkeen xurgapenak eta itotzeak prebenitzeko tratamenduak ezagutzea izan zen.
Bertaratu ziren pertsonei “Disfagiarekin moldatzeko gida” eman zieten, eta gida hori, PDF formatuan ere deskargatu daiteke hemen.
GUÍA PARA EL MANEJO DE LA DISFAGIA by Red Menni de Daño Cerebral
