Kontzertu solidarioek 12.000 euro lortu dituzte We Are Like You proiekturako

Joan den azaroaren 21ean, Orfeoi donostiarraren haur eta eta gazte taldeen emanaldiarekin kontzertuen zikloa amaitu zen. Hainbat jende bildu zen Donostiako Artzain Onaren katedralean. Han, Donostiako Abeslari Txikiek, Orfeoi Txiki eta Orfeoi Gazteak zenbait estilotako kontzertu bat eman zuten, eta ikusleei asko gustatu zitzaien.

Musika koralarekin izandako hitzordu honen aurretik beste bi izan ziren: lehenengoa Gasteizko Andre Mariaren katedralean, urriaren 4an, eta hurrengo, azaroaren 14an, Bilboko San Vicente Martiriaren elizan. Arabako hiriburuko kontzertuak 2.565 ¤ biltzea lortu zuen, eta Easo abesbatzako gizonezkoek parte hartu zuten. Besteak beste Sorozábal, Aita Donostia edo Guridi euskal konpositoreen hamabina kanta abestu zituen. Bilbokoan Bilboko Koral Elkarteko gizon eta emakumeek parte hartu zuten, eta Gabriel Fauréren Réquiem Opus 48 requiema primeran interpretatu zuten. Saio horretan 3.023 ¤ bildu ziren We Are Like You proiekturako.

Bilboko San Bizente Martiriaren eliza. Koral Elkartea goian dago, organoaren ondoan.

Gipuzkoako hiriburuko kontzertuan emaitza bikoiztu egin zen, eta 6.324 euro bildu ziren, beraz, dohaintzak egin dituzten partikularren eta erakundeen eskuzabaltasunari esker, Liberian gaixotasun mentala duten emakumeei artatzeko proiektuak 11.912 euro gehiago izango ditu. Horri esker, munduko herrialde behartsuenetariko batean lanean jarraituko dugu.

Eskerrak, bihotzez, hiru musika erakundeei, gure deia ia mila pertsonengana heldu baitzen, proiektu solidarioari laguntzeko.

Kontzertu solidarioak ezingo lirateke egin ospatzeko tokirik egongo ez balitz, eta hor, Gasteiz, Bilbo eta Donostiako apezpikutzek zeresan handia izan zuten: tenpluak erabiltzen utzi zuten, eta parrokiako taldeek ekitaldi bakoitzaren prestaketan lagundu dute.  Eskerrik asko.

Ekitaldiak ezagutzera emateko eta publikoak horien berri izateko, El Correo eta El Diario Vasco egunkarien laguntza izan genuen, baita Onda Cero irratiarena ere. Milaka euro balio duten iragarkiak doan eman zituzten. Bestalde, Bizkaia Irratia, Radio Popular eta Ser irratiek leku bat utzi ziguten beren orrietan eta mikrofonoetan, kontzertuen berri emateko eta Liberian, gaixotasun mentala edo adimen-desgaitasuna izateagatik, bazterkeria jasaten duten eta bere eskubideak urratzen dituzten emakumeen egoera azaltzeko. Eskerrik asko hori azaltzeko aukera emateagatik.

Easo Abesbatzaren kontzertua Gasteizko Andre Maria katedralean.

Hamabina pertsonak kontzertuetarako sarrera fisikoak saltzen lagundu ziguten, eta sarrerak saltzen dituen Entradium plataformak bere komisioari uko egin zion, sarrerak kosturik gabe online sal genitzan. Hala nola Laboral Kutxa, Banco Mediolanum, ATECE Gipuzkoa, Unicef Donostia eta Donosti Fashion Kids erakundeek salmentan ere lagundu ziguten, eta kontzertuetarako nahiz “zero lerroko” sarrerak erosi zituzten. Eskerrik asko haiei guztiei ere, gure boluntarioen talde txikia heltzen ez zen eskuak izan zirelako. 

Eta eskerrik asko kontzertuetako batera joateko sarrera bat erosi zuten edo “zero lerroko” sarrerak erosten lagundu ziguten pertsona guztiei. Batzuen izenak badakizkigu, sarrerak online erostean hala egin zutelako, edo informazio buletinera harpidetzea erabaki zutelako, We Are Like You proiektuaren egoeraren berri izateko. Gure errehabilitazio-proiektuan 90 emakume artatzen ditugu, eta pertsona gehienek emakume gehiago sartzen lagunduko digute.

Zuei guztioi, eskerrik asko, bihotzez, zuen eskuzabaltasunarengatik, We Are Like You proiektuak aurrera jarraitzen laguntzen duzuelako.