Joxe Miel Barandiaran Egoitzako Oroipen Tailerra Lezaman izan da eta “lehoiak” ezagutu ditu
Durangoko Joxe Miel Barandiaran Adineko Egoitzan egiten ari den Futbolean oinarritutako Oroipen Tailerreko parte-hartzaileen taldea Athletic klubak Lezaman dituen zelaian izan zen atzo zentroko profesionalekin eta senideekin batera. Taldeak entrenatzen duen eta jokalarien harrobia duen lekua da hain zuzen.
Instalazio zuri-gorrietan Jose Angel Iribar izan zen anfitrioia, futboleko mitoa eta Athleticeko Jokalari-ohien Elkarteko (AEA) presidentea dena. Haiekin batera, Tailerreko antolatzailea eta Juan Mari Zorriqueta –Futbolari Beteranoen Elkarteko Espainiako Federazioko (FEAFV) presidentea – eta Andoni Ayarza – FEAFVko Komunikazio-burua eta Tailerreko koordinatzailea– jokalari ohiak ere izan ziren.
Bestalde, taldea Lezamako instalazioetatik ibili zen, bi mitoen (Telmo Zarra eta “Piru” Gainza) bustoen ondoan eta San Mameseko arkuaren aurrean atera zituzten argazkiak, eta Ernesto Valverde entrenatzaileak Athleticeko lehen mailako jokalariekin egindako entrenamendua ikusi zuten.
Saioaren amaieran, Iraizoz, Lekue, Raúl García, Iturraspe, Gurpegui, Muniain, Saborit, Bóveda, Sabin Merino, Vesga, San José, Herrerín, Eraso, Balenziaga, Susaeta, Elustondo eta Mikel Rico jokalariak taldearekin hitz egiten eta argazkiak ateratzen egon ziren. Jokalarien hurbiltasunarekin eta agertutako maitasunarekin gozatu egin zuen taldeak.
(Argazkiak: Futbolari Beteranoen Elkarteko Espainiako Federazioa)
