Are Irekien Eguna. Familien Eguna

“Familien eguna” Aita Menni Ospitaleak San Benito Menniren heriotzaren 100. urteurrena dela eta antolatutako jardueretako bat da. San Benito Menni San Joan Jainkoarenaren anaien Ordenaren berrezarlea eta Jesusen Bihotz Sakratuaren Ahizpa Ospitalarien Kongregazioaren sortzailea izan zen, eta euskal osasun-zentroa Kongregazio horretakoa da, hain zuzen.

Gizarte-laneko arloak antolatuta eta gizarte-dinamizazio eta Errehabilitazio Zerbitzuaren eta Pastoral eta Boluntariotza Zerbitzuaren laguntzarekin, eta ateak zabaltzeko eguna da. Bestalde, pazienteek, haien senideek eta zaintzaileek jarduerak elkarrekin egiteko eta beren esperientziak partekatzeko topalekua ere bada.

Hori horrela, Mikel Tellaechek, Aita Menni Ospitaleko zuzendariak hauxe azaldu du: “badakigu familiak oso zeregin garrantzitsua duela gure pazienteen errehabilitazio-prozesuan, eta horregatik antolatzen ditugu mota honetako topalekuak; harreman sozioafektiboak hain zuzen sustatzeko”.

Jardunaldia 10:30 eta 15:30 artean izango da. Egitaraua 11:00etan hasiko da ekitaldi-aretoan. Han, eukaristia egingo da, eta horren ondoren, 12:00etan, Juan Carlos Irizar musikariak zuzendutako Aita Menni Ospitaleko pazienteen abesbatza arituko da. 

Abesbatzaren saioa amaitutakoan trikitiek ekitaldia girotuko dute. Bestalde, Arrasateko Agrupación Gallega elkarteak, Andaluziako “Al Andalus” Kultura Zentroak eta Extremadurako “Corazón de Encina” Kultura Zentroak beren elikagaiak erakutsiko dituzte zenbait postutan. 

AZOKA TXIKI SOLIDARIOA

Halaber, azoka txiki solidario bat ere egingo da, Liberian egingo den Jesusen Bihotz Sakratuaren Ahizpa Ospitalarien Kongregazioaren osasun mentaleko “We are like You” izeneko proiekturako dirua lortzeko. 

Besteak beste Afrikako produktuak eta Aita Menni sareak Euskal Herrian dituen zenbait zentrotako pazienteek eskuz egindako 300 gai baino gehiago (paparrekoak, loreak, hileko kakoak, irudiak eta abar) egongo dira salgai. Gai horien egileak, zehazki, Arrasateko Aita Menni Ospitaleko, Arrasateko Eguneko Ospitaleko, Errehabilitazio Psikosozialeko eguneko zentroetako eta adinekoen Eguneko Zentroetako pazienteak dira.