Ikastaroa Bilbon: “HGK duten pazienteen goiko gorputz-adarren egitura arazoak eta arazo biomekanikoak errehabilitatzea”
Aita Menni Ospitaleko Garuneko Kalteko Zerbitzuak ikastaro bat antolatu du Bilbon goiko gorputz-adarren neuroerrehabilitazio prozesuan sakontzeko.Prestakuntza nagusiki okupazio-terapeutentzat eta fisioterapeutentzat da eta Vicenç Punsolak eta Enric Sirventek emango dute urriaren 23 eta 24ean eta abenduaren 11n eta 12an. Ikastaroa Aita Menni Neuroerrehabilitazio Zentroan (Egaña, 10- Bilbo) egingo da.
Iktusaren ohiko ondorioen artean dago goiko gorputz-adarren funtzionaltasunaren galera. Fase akutuan, kontrol motorra berriro hezteko teknikez gain, kasuen % 80 baino gehiagotan gertatzen diren zentzumen-arazo eta arazo motorretan eragina dutenak (tonuaren eta sentikortasun arazoak, apraxiak, zabarkeriak eta abar), goiko gorputz-adarretan aldi berean agertzen diren egitura-azaroetan eta arazo biomekanikoetan ere esku hartu behar da. Hartutako garuneko kaltea duten pertsonen errehabilitazio-prozesuan askotan agertzen diren zailtasunetako batzuk dira sorbalda mingarria, tendinopatiak eta giltzadura-zurruntasuna. Eskuaren eta besoaren funtzioaren errehabilitazioa da errehabilitazio-programaren erronkarik konplexuenetako bat, eta beti ezin da lortu. Okupazio-terapeutak eta fisioterapeutak dira diziplina arteko errehabilitazio-taldearen barruan aritzen diren profesionalak. Arazo funtzionalez eta eragindako pertsonaren autonomia inguruan sustatzeaz arduratzen dira.
“HGK duten pazienteen goiko gorputz-adarren egitura arazoak eta arazo biomekanikoak errehabilitatzea” izenarekin eta aipatutako bi fisioterapeuta adituen eskutik, izena emandako pertsonek metodologia parte-hartzaile eta aktibo baten bidez jasoko dute prestakuntza hori. Programak besteak beste hauek barne hartzen ditu: goiko gorputz-adarren funtzionaltasunak; miaketa patoneurologikoa; berreztea, mugimendu-ereduen edo goiko gorputz-adarren sistema artikularraren harmonizazioaren bidez; eskuzko terapia, goi-gorputz adarren sindrome mingarrirako; espastizitatearen miaketa eta esku neurologikoaren uzkurdura; paziente espastikoaren ferulajea (indikazioak eta kontraindikazioak); sentikortasunaren berreztea edo minari aurre egiteko estrategiak.
Izen-ematea
Interesa duten pertsonek izena eman dezakete, izena emateko inprimakiaren datuak (behean dagoena) eta egindako transferentziaren egiaztagiria helbide honetara bidaliz: [email protected]. Informazio gehiago nahi izanez gero, 94 443 49 27 telefonora dei dezakete.
Ikastaroan parte hartzen dutenak izena eman duten ordenaren arabera aukeratuko dira. Epea, dauden 20 plazak betetzean amaituko da. Edozein dela arrazoia prestakuntza ez bada ematen, ordaindutakoa itzuliko zaie izena eman duten pertsonei.
“Rehabilitación de las alteraciones estructurales y biomecánicas del miembro superior en pacientes con DCA by Red Menni de Daño Cerebral
