Ibilaldia Salburuko hezeguneetara

Ibilaldian parte hartu zutenak hezegunean egon ziren eta Ataria Interpretazio Zentrora ere joan ziren. Han, natura-ondareari buruzko hitzaldi bat entzun eta bazkaldu zuten.

Salburua zenbait urmaelez –Arkaute eta Betoño dira nagusiak-, larrez eta harizti txiki batez osatutako eremu hezea da. Duela zenbait mende lehortu zuten eremua soro bihurtzeko, baina 1994. urtean hasitako berreskuratze-lanek egoera hori aldatu dute. Gaur egun, Euskadiko hezegune kontinentalik baliotsuenetako bat da, Nazioarteko Garrantziko Ramsar Hezegunea eta Batasunaren Garrantziko Lekua da Natura 2000 Europako Sarearen barruan. 

Jarduera berezi bat antolatzen den guztietan bezala, merezi izan zuen egun desberdina eta aire librean igarotzeak.