AINA MAÑOSA
21 urte, Sabadellekoa (Bartzelona), Terapia Okupazionaleko hirugarren mailako ikaslea.
– Nola ezagutu duzu Arrasateko esperientzia ospitalarioa?
Praktikak egin nituen San Joan Jainkoarenaren Anaienean, Sant Boin, eta Facebooki esker hurbiletik jarraitzen ditut horman jartzen dituzten jarduerak. Uda honetarako Anaien zenbait auzolandegi aurkeztu zituzten, baina baita ere Ahizpa Ospitalarioenak ere. Erakargarria egin zitzaidan zentro psikiatriko batean boluntariotza esperientzia bat izatea.
– Saiatu egunotan bizitako sentimenduak hitzez adierazten.
SAMURTASUNA, MAITASUNA, ENTREGA, ABERASTEA eta, batez ere, egun hauetan ZORIONTSUA IZAN NAIZ. Zaila da hitzez adierazten; bizi egin behar da.
– Sekula ahaztuko ez duzun ezer?
Paziente askoren aurpegiak eta izenak, eta esperientzia honetako kideak.
– Zertarako balio izan dizu esperientzia honek?
– Gure gizartean oso presente dagoen errealitate bat ezagutzeko, askotan ikusten ez badugu ere.
– Gaixotasun mentalaren estigma hausteko.
– Jende berria ezagutzeko.
– Neure bizitzaz gogoeta egiteko.
– “Aita Menni” etxe honetako alaitasunaz kutsatzen uzteko.
– Pertsona zehatz batzuei esker, saminarekin konprometituta dagoen Eliza bat aurkitu dut. Elizari buruz neukan irudia aldatu egin da.
– Nabarmendu ezaugarri ospitalario bat.
ATENTZIOAREN HUMANITATEA.
Gaixotasun mentala duen pertsona etxe honen erdigunean dago. Laguntzaileen tratua miresgarria da.
MARTA GARCÍA
18 urte, madrildarra. Ekonomia eta Zuzenbideko lehen mailako ikaslea.
– Nola ezagutu duzu Arrasateko esperientzia ospitalarioa?
Santa Maria del Pilar ikastetxearen bitartez (Marianistak). Katekumenotza taldeko laguntzaileak eskaini zigun.
– Saiatu egunotan bizitako sentimenduak hitzez adierazten.
Atsegina eta esker ona. Enpatia. Errukitasuna. ESPERIENTZIA BAKARRA.
– Sekula ahaztuko ez duzun ezer?
Gu astebete bat baino ez gara egon, laguntzaileen eta ahizpen entrega urte osoko egunetakoa da.
Boluntariotzan izan dudan lehen esperientzia izan da. Negar eta barre egin dut, egun bakoitza opari bat izan da.
Zertarako balio izan dizu esperientzia honek?
– Boluntarioen taldean jende zoragarria aurkitu dut.
– Asko markatu nau gure gizartean hain ezkutuan dagoen errealitate hau ezagutzeak. Egun hauek pazienteekin partekatzea.
– Nabarmendu ezaugarri ospitalario bat.
HARRERA.
Lehen unetik sentitu eta bizitu dut HARRERA. HARRERA pazienteek aldetik, langile guztien aldetik, eta baita ere Ahizpa Ospitalarioen HARRERA Eukaristia partekatu genuen egunean.
