Hitzordu berria Durangaldeko Gimnasia Topaketetan

Joan den ekainaren 14an, Durangoko Joxe Miel Barandiaran adinekoen Egoitzako talde batek Durangaldeko Adinekoen Urteko Gimnasia Topaketan parte hartu zuen, Zaldibarren.

Topaketan 55 eta 102 urte bitarteko pertsonek parte hartu zuten, horien artean egonik, Barandiaran Egoitzakoez gain, Txintxirri taldeko kideak (Elorrio), Abadiñoko kiroldegikoak, Astarloa Egoitzakoak, Elorrioko kiroldegikoak eta Egoitzakoak eta Iurreta Udalekoak.

Barandiaran Egoitzaren taldean zegoen adin handieneko laguna, Gregorio Urionaguena, 102 urtekoa, eta Euskadi Irratiak elkarrizketa egin zion.

Barandiaran Egoitzako adinekoek euren esperientzia kontatu digute:

“Ostiralean, ekainak 14, mankomunitateak antolatutako adinekoen gimnasia topaketa izan genuen, Zaldibarreko Olazar frontoian.

Hainbat talde elkartu ginen, abesti desberdinekin, eta publiko askorekin.

Aurtengo aukeratu genuen abestia Izaroren La Felicidad izan zen, oso abesti gogoraerraza, eta primeran atera zitzaigun, aurrez egindako entsegu guztiei esker.

Gure emanaldia asko gustatu zitzaion publikoari, eta txalo ugari jaso genituen.

Gure koreografia amaitu eta gero, beste taldeen emanaldiez disfrutatu ahal izan genuen.

Zenbait opari egin zizkiguten. Gregoriorentzat, bere 102 urteengatik, Matilde eta Pilarrentzat 90 urte baino gehiago izateagatik, eta baita begiralearentzat ere.e.

Inor ez zen oparirik gabe geratu, gainerako parte hartzaileek ere oparia jaso baikenuen.

Egunaz gozatzen jarraitzeko, Durangoko Gran Hotelera joan ginen, eta benetan ongi bazkaldu genuen eta Dj-aren erritmoan dantzatu.

 

Eguna nekatuta baina pozik eta aseta amaitu genuen, dena hain ongi atera zitzaigun eta.

Datorren urtean berriro!!”