Gure Lege Psikiatriako Unitatearen esperientzia aitzindaria partekatu dugu Santanderren

Osasun Mentalaren Jardunaldiaren V. Edizioaren arretagunea “Arazo mental larria duten pertsona judizializatuen arretarako programak” izan ziren.

250 profesional –osasuna, gizarte zerbitzuak, epaileak, fiskalak eta Justiziako beste profesional batzuk, espetxe erakundeetako profesionalak, etab.– joan ziren joan den otsailaren 16an Osasun Mentalaren V. Jardunaldira, Santanderreko Aita Menni Ospitale Zentroak antolatuta. Espetxe Erakundeetako Idazkaritza Nagusiaren eta Kantabriako Gizakia Helburu erakundearen laguntzarekin, topaketaren helburua zen irtenbideak aztertu eta bilatzea, osasun mentaleko arazo bat izanik askatasunaz gabetzeko zigorra betetzen ari diren pertsonentzat

Testuinguru horretan, Iñaki Madariaga doktore eta Aita Menni Ospitaleko Lege Psikiatriako Unitateko  (LPU) mediku psikiatra arduradunak hitzaldia eman zuen izenburu honekin: “Espetxean askatasunaz gabetzeko zigorra bitarte terapeutiko batekin ordeztea.Arrasateko Espetxe Psikiatriako Unitatearen proiektu pilotua”.

Ehun pertsonatik hiruk arazo mental larria nozitzen dute. Portzentaje hori handitu egiten da ezarritako segurtasun neurri bat duten biztanleen artean, osasun mentalaren eta segurtasun neurriaren estigma bikoitzari egin behar baitio aurre. Aita Menni Ospitaleko Lege Psikiatriako Unitatea proiektu aitzindaria da, eta kalitatezko erantzun asistentziala eskaintzen die gaixo horiei.

Ekitaldia Santanderreko alkate Gema Igualek inauguratu zuen, eta bertan parte zuten baita ere Kantabriako Osasun Zerbitzuko Osasun Laguntzako zuzendariorde Ana Tejerinak; Gizakia Helburuko zuzendari Eloosa Velardek; Duesoko espetxeko zuzendari Carlos Fonfriak; eta Aita Menni Ospitaleko Zentroko bertako ama nagusi eta gerente M. Carmen Martinek eta Carlos Pajaresek, hurrenez hurren.

Bi mahai inguru

Bi mahai ingurutan osasun mentaleko patologia larriak eta, aldi berean, kondena bat betetzen ari direnen arazo konplexuak landu ziren. Madariagak horietako lehenengoan parte hartu zuen, Zigor eta Neurri Alternatiboen zuzendariorde nagusi Myriam Tapiarekin batera, zeinak “Zigorrak tratatzeko programen erronka berriak eta neurri alternatiboa” izan zituen hizpide; Jose Manuel Arroyo mediku-psikologo eta Espetxe Osasuneko Koordinazioko zuzendariordearen hitzaldia izan zen “osasun mentaleko arazo larria duten pertsonak Espainiako espetxe sisteman”, eta Miguel Angel Martinez Marques de Valdecilla Unibertsitate Ospitaleko psikiatra espezialista eta Duesoko Espetxeko kanpo psikiatra aholkulariak “Osasun mentalaren arreta espetxean; Zer eskaintzen diegu gure pazienteei?” hartu zuen gaitzat. Moderatzailea Juan Gomez de Tojeiro izan zen, Santanderreko Aita Menni Ospitaleko zuzendari medikoa.

Bigarren mahai inguruaren moderatzailea Roberto Verdugo izan zen, Gizakia Helburu-CESCAN Fundazioko psikologo sanitarioa, eta jardunaldia parte hartzaile hauekin burutu zen: Gloria Gurria, Jose Hierro Gizarteratze Programen zuzendaria, hizpidetzat hartuta “Gaixotasun mentala eta justizia penala:Gainditu gabeko ikasgaia? Rocio Alvarez, Jose Hierro Gizarteratze Zentroko erizain eta psikologoa, bere hitzaldia izan zelarik “Arazo mental larria duten pertsonak eta lege arazoak Kantabrian.Prebentziorantz ibiltzen”; Purificacion Fernandezek, Aita Menni Ospitaleko eta Gizakia Helburu-CESCA Fundazioko psikologo klinikoak “Zigorretara zabalduta zubia eta neurri alternatiboak” garatu zituen, eta, azkenik, Miguel Mateo famili medikueta Jose Hierro Gizarteratze Zentroko programen zuzendariak landutako gaia izan zen “Hurbileneko horizontea:osasun konektatua eta osasun mentala”.