Gabonek Aita Menniko txoko bakoitza blaitzen dute

Berrio ere, Gabonetan, Aita Menni Ahizpa Ospitalarioek Jesus haurraren jaiotza ospatu dute, familia handi baten moduan. Aurten ere, alaitasunak eta maitasunak blaitu ditu programan aurreikusitako jarduera guzti-guztiak.

“Gabon betean gaude, eta asko gozatzen, beti bezala“, kontatu digu Amaia Bolumburuk, Egonaldi Ertaineko Unitateko psikologo kliniko eta errehabilitazio eta dinamizazio sozialeko koordinatzaileak, dagoen parte hartzearekin pozik. Adibide on bat da Gabonetako postalen lehiaketa tradizionala, non beste behin ere pazienteen eta profesionalen diseinuek eta mezuek berriro harritu gaituzten. Beheko argazkian, galeria txartelekin apaintzen duen murala ikus dezakegu; galeria da gehien ibiltzen diren ospitaleko lekuetako bat. Abenduaren 30ean, sari banaketaren egunean, postal irabazleak zein izan diren jakingo dugu.

Gastronomia, musika eta irribarreak

Gabonetako beste ekitaldi bat jantokiak dekoratzeko lehiaketa da, 2016. urteaz geroztik egiten dena, pazienteek eta profesionalek Gabon gaueko afarian, Gabonetako bazkarian, Urtezahar gauean eta abarretan etxeko giroaz, jaiegunez eta giro abegitsuaz gozatzeko aukera izan dezaten. Argazkietan ikus daitekeenez, arreta eta originaltasuna izan dira protagonista berriro edizio honetan. Aurreko bietan ezin zen unitate bakoitzeko jantokira sartu, covidaren aurkako neurriak zirela eta, eta horien dekorazio politak argazkien bidez baino ezin izan ziren ikusi. 

Detaile harrigarriek zeuden, hala nola pastazko lazotxoz eta esprai zilarreztatuz egindako Gabonetako zuhaitz bat, edo txokolatezko brownie eta Chocapic zerealekin egindako pinaburuak… Horiek ikustera joan zen segizioa harrituta geratu zen, tartean egonik ahizpa Isabel Martinez, Aita Menni Ahizpa Ospitalarioen ama nagusia, Jose Luis Girón, zuzendari asistentziala; Egoitza Zabala, Elkartasun eta Pastoraleko arduraduna, eta Amaia Bolumburu bera. Taldeak, hilaren 19ko goizean, zentroko jantoki guztiak bisitatu zituen, paziente eta profesionalek bakoitzean egin duten apainketa lana baloratzeko. Une dibertigarri eta atsegina izan zen, eta pazienteek eta profesionalek Zuzendaritzako hainbat kiderekin lasai hitz egiteko aukera izan zuten

Astelehen horretan bertan, arratsaldean, eta, jakina, txistor pintxoekin, San Tomas ospatu zen galerian. Festan izugarri gozatu zuten, eta unitate guztietako pazienteak bertaratu ziren, asko gurpil aulkian, senide batzuekin batera. Behean, begirale taldea baserritar jantzita ikusten dugu, egun horretan ohitura den bezala, horretarako egindako muralaren ondoan.

X. Gabon kanta lehiaketa 

Data seinalatu hauek merezi bezala ospatzeko ezin dira falta gabon kantak. Unitate bakoitzak gabon kanta bat prestatu zuen, eta horietako askok letra konposatu edo koreografia batekin interpretatu zuten abestia. Batzuek gitarrarekin edo perkusio elementuekin lagundu zuten beren emanaldia. Ahizpa Isabelek begiraleak zoriondu zituen, egindako ahaleginagatik eta dedikazioagatik, Gabonetako musika lehiaketa maitagarri eta oso dibertigarri bat ikusi ondoren, non mundu guztiak txaloak jo, barre egin eta animatu zuen. Oso txalotuak izan ziren, halaber, pazienteen abesbatzak interpretatu zituen lau gabon kantak, Arantzazu Saiz Markuleta zuzendariak pianoan lagunduta, eta Mugarik gabeko Musikariek eman ziguten gitarra baten musikarekin, zeina pazienteetako batek jo zuen. Amaieran oso hunkigarria izan zen parte hartzaile guztiei ‘Elurra teilatuan’ gabon kanta elkarrekin abesten entzutea. Unitate bakoitzak landaretxo bat eta tailerrean egindako paperezko gnomo bat jaso zituen, Gabonetako opari gisa. 

Gabon kanten X. lehiaketa hilaren 20an, goizean, egin zen, eta arratsaldean, berriz, ekitaldi aretoak Nagusilanen musika emanaldia hartu zuen. Beti bezala, boluntario talde hori osatzen duten adinekoek beren maitasun osoa jarri zuten, eta txalo beroak jaso zituzten gure publikoaren aldetik, egindako lanagatik. 

Aita Mennik ilusioz espero du Olentzero eta Mari Domingi etortzea, baita Gabonetako gainerako ospakizunak ere, bereziki urte amaierako festa (Urtezahar gaueko kotilloia eta kanpaiak barne) eta Erregeen kabalgata.

¡FELIZ NAVIDAD! GABON ZORIONTSUAK!