Eskibel eta Erain ikastetxeek Danborradaren alaitasuna ekarri dute berriro Zuatzuko zentrora
Gogotik gozatu genuen danbor hotsarekin eta helarazi ziguten bizitasunarekin
2019ko Danborradan, berriro ere, Zuatzu Parkeko Aita Menni Eguneko Zentrokoerabiltzaileek oso hurbiletik sentitu ahal izan dute danborren emozioa, Eskibel -oso harreman berezia daukagu- eta Erain. Ikastetxeetako ikasleek osatutako formazioari esker. Hirugarren urtez jarraian, zentroak dar-dar egin zuen danborren hotsarekin, eta haurrek helarazi ziguten alaitasunarekin kontagiatu zen, Wiesbadengo granadarien erregimentua oroitaraziz, euren kasaka marroi-gorriarekin, bularreko uhal zuriarekin, gona eta praka zuriekin eta borla gorriz apaindutako txano marroiarekin.
“Hirugarren urtez etorri dira eta poz-pozik eta oso eskertuta gaude!”, diosku gure taldeko terapeuta okupazional Leire Zelaiak. Zentrora bidean, aurtengo nobedade gisa, Eskibel eta Erain ikastetxeetako formazioak lehendabiziko aldiz desfilatu zuen Zuatzuko industrialdean, profesional ugariren harridurarako, zeinak leihoetara atera ziren haurrak bertako kaleetan ikusteko. Honela islatu zuen Diario Vascok albistea.
Bideoan kantinerak, zulatzaileak, barrilak eta danborrak ikus ditzakegu, Ignacio de Loyola Cardarelli banderadunarekin eta Sofia Agut Marquet danbor nagusiarekin. Gure zentroan ia tradizional bihurtu den danborrada txiki honekin hasi ginen San Sebastian ospatzen, joan den ostiralean, hilak 18. Eskerrik asko! Plazera izan da berriro gurean hartzea, oso zirraragarria da beti. Eskerrik asko etortzeagatik!
