Ekintza berezia Zoriontasunaren Egunean

Martxoaren 20an Zoriontasunaren Nazioarteko Eguna ospatzen da eta, hori dela eta, jarduera berezi bat egin dugu Txurdinagabarri Egoitzan.
2. eta 5. solairuko egoiliarrekin solasaldi bat antolatu genuen, zoriontsuago izateko jarraitu behar ditugun gakoez hitz egiteko: loturak sortzea, helmugak eta helburuak ezartzea, unea bizitzea, etab.

Ondoren, ekintza bat egin genuen, eta egoiliar bakoitzak zoriontsu egiten zituen hiru gauza idatzi behar zituen.

Azkenik, koloretako kartulinen bidez, zoriontsuago egiten gaituzten eguneroko hainbat gauza edo une erakutsi genituen. Denen artean hitz egin genuen, eta idatzitakoarekin bat zetozen ikusi genuen.