‘Coaching’ saioa Bekoetxe Eguneko Zentroan

Posible al da ia 4.000 kilometro desgaitasun batekin eta bizikleta egokitu batekin egitea?.Bai, posible da.Iñaki Castañeda atletak Estatu Batuetako Route 66 ibilbidea egin zuen; bai, mendebaldera, Chicagotik Los Angelesera, joaten ziren emigratzaileek hartzen zuten ibilbide ospetsuak dituen 2.448 miliak (3.882 km).Alfredo Olabegoia bere laguna izan zuen bidelagun eta interprete abentura handi honetan.

Gizarteratzearen alde pedalei eragiten

Iñakik eta Alfredok alderantziz egin zuten bidaia.2014ko apirilean Los Angeleseko Santa Monicako hondartzatik abiatu ziren Chicagorantz.Bidaia etapaka kontatu zuten Fekoor erakundearen blogean, eta gizarteratzearen eta gainditzearen adibide argia da… Eta coaching-ak norberaren garapenean laguntzen badu, autokonfiantza sortuz, autokonfiantza eta baikortasuna dira kirolariek Bekoetxe Garuneko Kalteko Eguneko Zentroan haiei entzuteko bildu ziren pertsonei igorri zizkietena.

Iñaki Castañedak hankak galdu zituen 1993. urtean izandako trafiko-istripu batean.  “Erronka desgaitasunera egokitzetik hasten da”, esan zien Bekoetxe eta Lurgorri Garuneko Kalteko Eguneko Zentroetako erabiltzaileei. “Prestatzea psikologikoki fisikoki baino gogorragoa da. Milaka kilometrotara egongo zara, etxetik urrun, eta ezin zaizu ezer gertatu.Ez duzu aukerarik. Lor dezakezula mentalizatzea da zailena”. Horretan ados zeuden bi protagonistak: “Argi izan behar duzu zer egin nahi duzun, eta sufritzeko gai izan behar zara”, esan zuten.

Galdera asko eta interes handikoak egon ziren publikoaren artean. Castañedak eta Olabegoiak bazuten Aita Menni Kirol Elkartearen (ADAM) berri, eta entzuleak kirola egitera animatu zituzten. “Positiboak izan behar duzue, eta egunero gutxienez ordu erdiko jarduera fisikoa egin behar duzue. Mugimendu gutxiko bizitzak ez duelako jateko gogoa kentzen, eta zenbat eta kilo gehiago hartu orduan eta handiagoa izango da gure desgaitasuna”, esan zuen Castañedak. Bestalde, Route 66 bidaian desgaitasuna zuten pertsonentzako gela gehienetan ia beti obesitate morbidoa zuten pertsonak zeudela adierazi zuen.

66 errepidea

66 errepideak zortzi estatu zeharkatu eta hiri handietatik igarotzen da, hala nola Oklahoma City, San Luis, Santa Fe edo Springfield. Motel zaharretara, gasolindegietara eta garai hobeak bizi izan zituen herriren batera eramaten dituzten tarteak dituen antzinako ibilbidea da. Bidaiak 40 etapa izan zituen eta bi kirolariek batez beste 100 kilometro egin zituzten eguneko. Gaua emateko lekurik ez zutenez aurkitu, egun batzuetan 120 km ere egin zituzten.

Ibilbidea amaituta, Castañeda ziur asko Estatu Batuak handbike batekin kostalde batetik bestera laguntza-autorik gabe egiten duen lehen txirrindularia bihurtu da.  Izan zuen laguntza bakarra Alfredorena izan zen, ingelesez hitz egiten dakiena eta bizikletan atoi batean ekipajea eramaten zuena. GPSren laguntzarik ere ez zuten izan bi “Robinson” hauek.

64 urterekin Iñaki Castañeda eliteko kirolaria da. Zortzi urrezko domina, bi zilarrezko domina eta brontzezko bi irabazi ditu Espainiako atletismo txapelketetan; 14. postuan amaitu zuen Europako Maratoi Erdiko Txapelketan (Lisboa, 2011); 2003. urtean brontzezko domina irabazi zuen Espainiako Eski Txapelketan, proba konbinatuan.

Alfredo Olabegoiak 66 urte bete zituen Route 66 bidaian, eta ez da atzean geratzen. Hawaiiko Ironman proba amaitu zuen lehenengo pertsonetako bat izan zen 1988. urtean, eta oraindik kirola egiten jarraitzen du.

Tornado bat ikusi zuten, hotza eta beroa jasan zuten, nekea, Iñakiren bizkarreko mina handbiken gurpil-aulkia eramateagatik, matxura mekanikoak, eta beldurra ere zenbait egoeratan.  Zailtasun asko izan zituzten, baina inoiz ez zuten pentsatu uztea. Izan ere, hurrengo erronka prestatzen ari dira:  ziur asko ibilbide bat Ozeano Bareko kostaldetik, Mexikotik Vancoiverreraino (Kanada), eta hemendik hurbil, Zilar bidea.

Elkarrekin, Iñakik eta Alfredok, Alfredok eta Iñakik, desgaitasunak ametsak betetzea ez duela eragozten erakutsi dute.

[accordion][/accordion]

* Hemen entzun daiteke Euskadi Irratiko “La Casa de la Palabra” saioan Iñaki eta Alfredori zuzenean egindako elkarrizketa (2014ko maiatzaren 22, 20. minutuan gutxi gorabehera).