Aita Menni ospitaleak Santa Teresaren makulua eramaten duten erromesak hartuko ditu
Ahizpa Ospitalarien babeslea den santaren makulua 30 herrialdeetatik ibiliko da, 5 kontinenteetan.
Santa Teresa Avilakoa Aita Mennik María Josefa Recio eta María Angustias Giménezekin batera kongregazioa sortu zuenean Ahizpa Ospitalariei eman zien babeslea da. Hori da Aita Menni Ospitaleak ‘Argi bidea’ erromesaldia Arrasatera eramateko arrazoietako bat. Horrela, urriaren 15etik Santa Teresaren jatorrizko makulua eramaten du 30 herrialdeetara 5 kontinenteetan. Erromesaldia Teresa de Cepeda y Ahumada, Santa Teresa Jesusenaren jaiotzaren V. Mendeurrena ospatzeko programaren barruan dago.
Errioxatik etorrita eta Kantabriarako bidean, makulua Gesalibarrera heldu zen ekainaren 26an, zurezko eta beirazko kutxatilaren barruan. Han, Donostiako elizbarrutiko apezpikua den Ignacio Munillak eta Ahizpa Ospitalarien erkidegoko nagusi Montserrat Esparzak hartu zuten, Aita Menni Ospitalean egindako ekitaldian parte hartzera hurbildu ziren beste pertsona askoren artean. Santa Teresaren makulu erlikia ohorezko aurresku batekin hartu zuten. Ospakizunean zehar Aretxabaletako abesbatzak abestu zuen.
‘Argi bidea’, izaera ibiltari, ekintzaile eta sortzaileari eta santaren Teresaren bilaketari egindako omenaldia da, eta mundu osotik zabaldu da. Teresa Avilakoaren jatorrizko makuluaren laguntzaz, erromesek otoitz egiten dute eta teresar espiritualtasunarekin elkartzen diren.
