Beasaingo EPZko erabiltzaileek badute ‘El Caserío’ lanaren antzezlana bideoan
Egun gogoangarria izan zen Beasaingo Errehabilitazio Psikosozialeko Zentroan, profesionalei, senideei eta erabiltzaileei gogoratzea gustatzen zaizkigun horietakoak. 2014ko abenduaren 19an “El Caserío” zarzuelaren bertsio laburra antzeztu genuen EPZn. Eta zalantzarik gabe gure hogei erabiltzaileak protagonistak izan ziren. Hala ere, egia da talde profesionala, beti bezala, oso parte-hartzaile aritu zela, eta lana ikustera etorri ziren senideen beroak ere egun zoragarria izaten lagundu zuela.
Hainbat argazki egin genituen, baina Ametsa abesbatza osatu duten gure artisten abestiak eta interpretazio bikaina ere gorde behar genituen. Guretzat oztoporik ez dagoenez, tripode bat jarri genuen publikoaren artean eta antzezpen osoa grabatu genuen. Prestatu dugun DVDn akordeoiaren musika eta ahotsak, bai narratzailearena bai aktoreena, oso ongi entzuten dira. Publikoaren txaloak ere entzuten dira, noski.
DVDan “El Caserío” antzezpenaren laburpen bat dago, entseguen argazkiekin eta urtero bezala Gabonetan zentroan antolatzen dugun senideentzako topaketarekin batera. Kredituetan zentroko erabiltzaile eta langile guztien lana eskertzen da. Diskoaren amaieran hau agertzen da:
“Antzeztea. Zuzentzea. Ikastea. Berriro antzeztea. Berriro zuzentzea. Ikasten jarraitzea”.
Guridiren zarzuela terapiara erabili zuten 2014. urtean EPZn. Aurten, eguneko zentroko erabiltzaileek bide beretik jarraitzen dute, familien egunerako sorpresa bat prestatzen. Beste musika-emanaldi bat izango da? Dena den, antzezteko eta abesteko talenturik ez zaie falta.
