Beasaingo gure EPSZko erabiltzaileak Ehunmilak probako boluntarioak

Argazki orokorra Mayayokoa da eta Mendi-lasterketak web-orrian argitaratzen da

Uztailaren 6 eta 7an, goizez eta arratsaldez hurrenez hurren, Errehabilitazio Psikosozialeko Zentroko (EPSZ) erabiltzaileek Beasainen egiten den Ehunmilak lasterketako boluntarioak izateko aukera izan zuten.

Boluntario gisa aritzeak zenbait onura ekartzen ditu alderdi guztietan, eta gure EPSZetan lantzen diren helburuekin bat datorren jarduera da. Batetik, balioa ematen zaio bizitzari erkidegoan, han aktiboki parte hartuz, kasu honetan ospe handiko lasterketa batean, eta gizarte gaitasunari eta gaitasun pertsonalari laguntzen zaio. Maila pertsonalean horrelako jarduera esanguratsu batean parte hartzeak gaixotasun mentala duen mentalari bere buruarengan duen konfiantza handitzeko aukera ematen dio, baita bere autoestimua hobetzeko eta jardueran konpromisoa eta inplikazioa lortzeko. Maila fisikoan aktibo mantentzen ditu erabiltzaileak, sedentarismoa saihesten du, erabilgarritasun sentimendua sortzen du eta gizarte-gaitasunak erabiltzeko aukera ematen du, beste alderdi askoren artean.

Honelako jarduerek, erkidegoko integrazioa eta inklusioa errazten dute, eta oinarrizkoak dira suspertze eta ahalduntze prozesuan. Horrela, asmoa da arazo mental larria duten pertsonek gizarte-gaitasuneko rol bat izan dezatela testuinguru eta gizarte-inguru desberdinetan. Badakigu komunitatean gizarte-eginkizuna berreskuratzean nortasun positiboa sortzen dela, eta kideen ahalduntzea neurri handi batean lortu egiten dela. Bestalde, komunitateko pertsonen arteko harremanak arazo mentalarekin lotuta dauden estereotipoei (estigmei) aurre egiten eta komunitatea abegitsuagoa eta inklusiboagoa izaten laguntzen du.

Oso lasterketa gogorra

Ehunmilak lasterketa Beasainen hasi eta amaitzen den oso lasterketa gogorra da. 400 korrikalarik 168 kilometro egin zituzten, 22.000 metroko maldarekin, Aizkorri, Txindoki, Irimo eta Ernio mendietatik. Aurten, aurreko urteetan bezala, mundu osoko eta adin guztietako parte-hartzaileak izan ziren, prestatzeko gaitasuna, iraunkortasuna, esfortzua eta mugarik gabe gainditzeko asmoa agertzeko. Proba oso gogorra bada ere, deigarria gertatu zitzaizkigun parte-hartzaileen umorea eta irribarrea.   

Eskerik asko antolatzaileei aukera hori emateagatik, eta Begoñari bereziki. Datorren urtean espero dugu hor egotea eta lankidetza-jarduera luze baten hasiera izatea. Zorionak parte-hartzaileei eta Javi Dominguezi eta Silvia Triguerosi bereziki, VIII. edizio honen irabazleak izan zirelako.