Aita Menniko tailer okupazional eta lan aurrekoek hazkunde betean ospatu dute Lanaren Eguna
Gaur egun, gaixotasun mentala eta desgaitasun intelektuala duten Aita Menniko 200 lagunek baino gehiagok egunero parte hartzen dute ospitaleko bertako tailer okupazional eta lan aurrekoetan. Lan munduarekiko duten hurbiltasunagatik, joan den aste osoan egindako hainbat ekitaldiren bitartez parte hartu zuten Lanaren Egunaren ospakizunean.
OMEren Europarako Bulego Erregionalaren eta Europar Batzordearen Osasun Mentaleko Erabiltzailearen Ahalduntze proiektuak dioenez, “ahalduntzea” osasuna sustatzeko funtsezko kontzeptua da, eta, horren bitartez, norbanakoek eta taldeek euren bizitzari buruzko ezagutza eta kontrol handiagoa lortzen dute. Pertsona ororentzat, gizartean sartuta egotea eta parte hartzea ezinbestekoa da.
Gizarte langilearen parte izateak justifikatu egiten du lagun askok Lanaren Egunaren ospakizuneko ekitaldietan parte hartu ahal izatea, goizero jaiki eta lanera joaten direlako –izan lanpostu egokitua, babestua, laguntzak dituena, arrunta, etab.–, eta izan gaixotasun mentala edo desgaitasuna intelektuala edo ez izan. Halaber, gizarte plural horretan partaideak direla eta ekarpena egiten dutela sentitzeko, gure tailerretan parte hartzen duten lagunek aukera izan dute jai hori modu normalizatuan bizi ahal izateko.
Horregatik, joan den ostiralean, gaixotasun mentala edo desgaitasun intelektuala duten pertsonek, begiraleen laguntzaz, ospakizun bat antolatu zuten, eta elkartu eta tailer okupazionaletan eta lan aurrekoetan urtean zehar bizi izan dituzten esperientziak partekatu zituzten. Tailerrak hauek dira:
– Industri tailerra
– Ehungintza tailerra
– Kanpoaldeak garbitzeko eta lorezaintza tailerra
– Zapi tailerra
– Papera birziklatzeko eta koadernatzeko tailerra
– Baratzezaintza terapeutiko eta okupazionala
– Sukaldaritza landare eta landare aromatikoen tailerra
Eta larunbat goizean, aste ixteko, hitzaldi-solasaldi bat egin zen, eta ikus-entzunezko bat ikusi zen gaixotasun mentala eta desgaitasun intelektuala duten pertsonen integrazio soziolaboralari buruz. “La Fageda, fabrika zentzuduna”. Irudien bitartez, besteak beste, elkarrekin partekatu zituzten ideiak, bizitzako esperientziak, hobetzeko proposamenak, etorkizunerako erabakiak, taldearen partaide izatearen zentzua eta taldearen kohesioa…
Finean, aurreko astean berriro berretsi zen gaixotasun mentala edo desgaitasun intelektuala duten eta egunero jaiki eta lanpostura joaten diren 211 lagunek osatzen duten sare soziala.
