Arrasateko Garuneko Kalteko Eguneko Zentroak biziki ospatuko du San Bennito Menniren mendeurrena
GURE EREDU SOZIOSANITARIOAREN SORTZAILEAREN ETA AITZINDARIAREN LANA MEREZI DEN BEZALA NABARMENTZEKO, ZENTROEK ZENBAIT JARDUERA ANTOLATU DITUZTE
Duela 102 urte, 1914ko apirilaren 24an, Dinan (Frantzia) aita Benito Menni hil zen.Oso bizitza emankorra izan zuen:ordurako gaixoak artatzeko 22 zentro sortu zituen, zahar-etxe, ospitale eta psikiatrikoak kontuan hartuz.
Aita Menni Ospitalearen nahiz Ahizpa Ospitalarien kongregazioaren sortzaile santua merezi duen bezala gogoratzeko, gure zentroek hainbat jarduera prestatu dituzte ardura handiz.Horien artean nabarmentzen da Arrasateko Garuneko Kalteko Eguneko Zentroko Azoka, bereziki bizia izan dena.
Egun hori ospatzeko berariaz egindako dekorazioaz gain, hara egunero joaten diren erabiltzaileek tarta bat egin zuten erakundearen logotipoarekin. Bestalde, abegikortasunaren santuaren bizitzari eta obrari buruzko hitzaldi batean parte hartu zuten, eta lunch batez eta dantza-saio girotu batez gozatu zuten. Argazkietan ikusten den bezala, lan handia egin zuten, baina eurentzat oso atsegingarria izan da gure arreta soziosanitarioko ereduaren aitzindaria hobeto ezagutzea.
Aita Menni Ospitaleko beste zentro eta arlo batzuetan ere kartelak egin dituzte familia ospitalariaren sortzailearen lana nabarmentzeko eta gaixo eta profesionalei pertsona gaixoen duintzearen eredu baliotsua erakusteko.
Aita Benito Menni Joan Paulo II.ak kanonizatu zuen 1999. urtean.
