Arrasateko Eguneko Ospitaleak boluntariotza lanak hasi ditu Iturbide egoitzan
Erabiltzaile-talde baten ekimenez, zentroak partaidetza-ekintza solidarioak egiteari ekin dio berriro
Eguneko ospitaleko erabiltzaile batzuek boluntarioak izateko interesa agertu zuten. Zentroko erabiltzaileek Iturbide egoitzarekin hitz egiten hasi zuten eta egoiliarrak artatzen dituzten langileekin goizetan egunkaria irakurtzen laguntzen hastea erabaki zuten.
Oso jarduera positiboa da
Horrela, duela gutxi gorabehera hilabete bat, astearte goizerdietan, Eguneko Ospitaleko bi erabiltzailek berriak irakurtzen dituzte solairu batean. Hor, mendeko pertsonak bizi dira baina egoera kognitibo onean daude. Gertatzen diren gauzak azaltzen dituzte, gure zentroan egunero egiten denez, oso ongi ezagutzen duten errealitateari orientatzeko jarduera batean. Laguntzaile batek esandakoari jarraituz, adinekoekin ematen dute bere denbora, eta bakardadea arindu ere egiten dute nolabait. Egoitzan bizitza dinamizatzen laguntzen dute, eta horrez gain, gurpil-aulkien lekualdaketetan laguntzen dute.
“Asko eskertzen dituzten zeregina dira, kaleko batek egiten dituelako, hots, uniformea ez daraman batek”, dio Maider Aguirianok, Eguneko Ospitaleko begiraleak. Adineko batzuek, nahiz eta bisitatzen dituzten senideak izan eta langileek artatu eta lagundu, senti dezaketen hutsunea betetzen duten jarduerak dira. Egoiliarrentzat oso atsegingarria da ikustea beste pertsona batzuek entzun nahi dituztela. Jardueran parte hartzen duten erabiltzaileak oso pozik dira baliagarriak sentitzearekin, beste testuinguru batzuetan modu autonomoan moldatzearekin eta erantzukizun txiki bat hartzearekin. “Zalantzarik gabe oso jarduera positiboa da. Denok irabazten dugu”, gaineratu du Maiderrek, “horregatik gure asmoa da mota honetako borondatezko lankidetza-jarduerak sustatzen jarraitzea”.
* Iturbide egoitza publikoa da, 100 plaza ditu eta SERVICIOS SOCIALES AITA MENNI S.L. enpresak kudeatzen du.
Egunkariko berriak irakurtzen eta iruzkintzen Arrasateko Eguneko Ospitalean
