Alberto Martín, Espainiako Probintzia berriaren zuzendari kudeatzailea
AMHko zuzendaritzak ongietorria egin nahi dio zuzendari kudeatzaile berriari bere lanpostuan, eta onena opa dio orain hasiko duen aro profesionalean.
Ahizpa Ospitalarien Espainiako Probintzia berria eratzeko prozesuan -datorren apirilaren 24an amaituko da-, beste urrats bat eman da probintziako zuzendari kudeatzailearen izendapenarekin. Anabela Carneirok, kongregazioko nagusi orokorrak, Alberto Martin de la Mata izendatu du Espainiako Probintzia berriaren zuzendari kudeatzaile. Aita Menni Ospitaleko zuzendari kudeatzaileak, Mikel Tellaechek, zorionik beroena eman nahi dio zuzendaritza-talde osoaren izenean bere izendatzearengatik, eta arrakasta handia opa dio bere aro profesional berri honetan.
Alberto Martín Madrilen jaio zen 1972. urtean. Ekonomia Zientzietan lizentziatu zen Madrilgo Unibertsitate Autonomoan eta Madrilgo San Miguel klinikako eta Errehabilitazio Psikosozialeko Lerroko zuzendari kudeatzailea da 2006. urtetik. Giza Baliabideen Zuzendaritza eta Antolaketako masterra egin zuen ESIC eta PADEn, enpresen goi-zuzendaritza programa IESEn, eta horrez gain, esperientzia zabala du ospitalean, 2003. urtean sartu baitzen.
Ahizpa Ospitalariek
probintzia bakarreko zuzendari kudeatzaile berria zoriondu dute, “Kongregazioak harengan duen konfiantzarengatik eta lanpostu berri horren erronkei aurre egiteko agertutako prestutasunarengatik”. Hauek izan dira zuzendari kudeatzaile berriaren lehen hitzak izendatu eta gero: “Asko laguntzen nau nigan jarritako konfiantzak, denontzat den proiektu baterako”.
