Aita Mennik kalitatearekin duen konpromisoa berritu du

Aita Mennin, kalitateak eta segurtasunak paziente eta erabiltzaileei emandako arretaren ezaugarri nagusiak izan behar duten zeharkako ardatz estrategikoa osatzen dute. Horrela, gure eginkizunari eta balio nagusiari, hots, abegikortasunari, erantzuna emateko, Kalitatearekin dugun konpromisoa berritu dugu. Horretarako, ‘Kalitate politika’ berri bat argitaratu dugu. Horrez gain, ISO 9001:2015 ziurtagiria berritu dugu zerbitzu hauek emateko:

• Arreta soziosanitarioa, psikoestimulazioa eta errehabilitazio funtzionala mendeko adinekoei, eguneko zentroan, astelehenetik igandera, jaiegunak barne.

• Errehabilitazio psikosozialeko zerbitzua eguneko zentroetan arazo mentalen eta patologia dualeko diagnostikoak dituzten pertsonei.

• Esku-hartze terapeutiko eta errehabilitatzailea egonaldi erdiko ospitaleratzean, arazo mental larrietarako.

• Esku-hartze terapeutiko eta errehabilitatzailea egoitza soziosanitarioko erregimenean, portaeraren nahasmendu, adimen-desgaitasun eta arazo mentaletarako.

• Arreta soziosanitarioa (arreta medikoa eta erizaintzakoa, psikoestimulazioa, errehabilitazio funtzional eta fisikoa, aisialdia) eta ostalaritza zerbitzuak eta zerbitzu orokorrak (sukaldaritza, garbiketa, podologia eta ile-apaindegia) mendeko adinekoei, egoitza-erregimenean eta eguneko zentroan.

Kalitatearekin eta ziurtagiri berriak berritzearekin dugun konpromisoa berresteak arlo hauek barne hartzen ditu: egonaldi ertaina, adimen-desgaitasuna, Irungo, Beasaingo eta Arrasateko Errehabilitazio Psikosozialeko Zentroa (EPSZ) eta Maldatxo (Donostia); Adinekoen Eguneko Zentro hauek: Joxe Miel Barandiaran (Durango), Txurdinagabarri (Bilbo), Arrasate, Soraluze eta Bergara, eta Joxe Miel Barandiaran eta Txurdinagabarri.

Helbu bereko kultura partekatua

Gure antolaketa eta kudeaketa ereduak pazientearen/erabiltzailearen kalitatea eta segurtasuna kudeatzeko sistema bateko elementuak barne hartzen ditu. Horrez gain, eraginkortasunez ezartzeko egitura eta baliabide batzuk ere ezartzen ditu:

• Legezko baldintzak betetzen direla ziurtatzea, bai araudikoak, bai gure bezeroekiko lankidetzaren barruan ezarritako baldintzak, konfiantzan oinarritutako harreman baten barruan.

• Etengabeko hobekuntza, arriskuen murriztea eta aukeren aprobetxamendua bultzatzea.

• Gure zerbitzuekin balioa ematean oinarritutako arreta bati erreparatzea, artatutako pertsonentzat eta beste interes-talde batzuentzat.

• Erabiltzaileen autonomia eta duintasuna errespetatzea gure esku-hartzeetan, laguntzazko etikaren paradigmetatik.

• Berrikuntzaren garapena, ikaskuntza eta beste eragile batzuekiko lankidetza bideratzea.

Aita Menniko langile guztien parte-hartze aktiboari esker helburu horiek betetzen ditugu, partekatutako balioak eta kultura dituztelako.

Aita Menniko Zuzendaritza horrela jasotzen du bere Politika, lidergoa bere gain hartzeko, bere konpromisoa erakusteko eta erakundeko alderdi interesdun guztiei, bai barnekoei, bai kanpokoei haren berri emateko.