Aita Menni Ospitaleak berdintasunaren aldeko urratsak egiten jarraitzen du

Aita Mennin aurrera jarraitzen dute emakumeen eta gizonen berdintasuna bultzatzeko proiektuek. Tarteka-tarteka, lankidez osatutako talde txiki bat elkartu egiten da, ikasten jarraitzeko eta “adierazleak birpentsatzeko”. Benetako berdintasunera iristeko gauza asko berrikusi behar delako. Helburu zehatzak lortzeko, zeinak aurretiaz horien inguruan hausnartu den eta III. Berdintasun Planaren parte izanik, lehendabizi jakin egin behar da non dauden “genero arrakalak”, zuzendu ahal izateko.

Horretarako, Red Kuorum aholkularitzaren laguntza dugu, ikastaroak ematen ari baita hainbat modulutan banatuta. Red Kuorumeko Proiektuen Koordinazio eta Kudeaketa arduradun Helena Ortiz de Lejarazuk azpimarratu duenez, hasteko, jakin behar dugu “generoen rolak aldatzen laguntzen ez duen orok horiek betikotzen laguntzen duela”.

Red Kuorumekin egindako lehen harremanek hausnarketara gonbidatzen dute. Asertibitatetik abiatuta, xedea da aitortzea erantzukizun handieneko postuak oso maskulinizatuta daudela; gizonak euren pribilegioez ohartu behar dira, eta emakumeek euren desahalordetze mailaren kontzientzia hartu behar dute.  Hainbat gai kontuan hartu, behatu ea gizonek eta emakumeek berdin parte hartzen duten jardueretan eta lanpostuetan. 

Jarrerak berrenfokatu, birkontzeptualizatu

Sexuen araberako diferentziei erreparatzeak ikasarazi diezaguke errehabilitazioan generoak lerratuta daudela, protokolo klinikoak berrikustera eraman gaitzake, edo hainbat behar aztertzera. Adibidez, eguneko zentro batean film bat programatzeko orduan: Galdetu emakumeei euren gustuei buruz, bultzatu erabakitzeko ahalmena eta parte hartzeko gaitasuna izan dezaten. 

Konpromisoa baldin badago berdintasunarekin, mentalitatea aldatu egin behar da, jarrerak berrenfokatu, askotan birkontzeptualizatu, eta saiatu behar dugu lehendik datozkigun estereotipoak ez errepikatzen. Adibideekin jarraituz, posible al da 80 urtetik gorako pertsonen artean genero arrakala murriztea emakumeek sentitzen badute urtetan etxean egin duten lana gutxietsi egiten dela? Gizarte tradizionalean, emakumeek, inork ezer galdetu gabe, doan egiten den lan guztia hartzen zuten bere gain (garbiketa, zainketak…). Kontu handia eduki behar da, emakumeen eta gizonen arteko berdintasunaren bidean aurrera egiten utzi gabe. Baina “besoak gurutzatuta geratzen bagara desoreka betikotzen arituko gara baliabide asistentzialetan, giza baliabideetan eta sistemaren iraunkortasunean”, Helena Ortiz de Lejarazuk segurtatu duenez.