Aita Menni oraindik hurbilago HGK elkartze-mugimendutik
AITA MENNI OSPITALEA “BAZKIDE SOLIDARIOA” EGIN DA ETA LOTURAK ESTUTU DITU ATECE BIZKAIA ELKARTEAREKIN
Aita Menni Ospitaleak ATECE Bizkaiko garuneko kalteko pertsonen senideen elkarteari jakinarazi dio erakunde horrekin lankidetzan ibili nahi duela “bazkide solidario” gisa. Hartutako garuneko kaltea duten pertsonen taldearen ongizatearen alde lan egitea da lankidetza horren xede nagusia.
Aita Menni Ospitaleko Garuneko Kalteko Zerbitzuaren ordezkaria den José Ignacio Quemadak eta ATECE Bizkaia elkarteko kidea den José María Abadek Bilboko Aita Menni Errehabilitazio Zentroan egindako bileran elkarrekin lan egitea erabaki zuten, “Bizkaian hartutako garuneko kaltearen berri emateko, desgaitasunen lehen arrazoietako bat baita”. Bi ordezkariek elkarrekin egindako lana gogoratu zuten, eta gaur egungo laguntza-egoeraren zenbait alderdi nabarmendu zituzten. Elkarteak bere blogean jasotzen duen moduan, “sinergiei etekina ateratzeaz gain, baliabideak bateratu behar dira, taldearen onura handiagorako”.
Ekintzetako batzuk ATECE Bizkaia elkartearen lana bultzatzeko izango dira, urriaren 26aren inguruan (Garuneko Kaltearen Eguna) ekitaldi publikoak antolatzeko, eta aurreko urteetan bezala, parte hartutako alderdi guztiak bateratzen saiatzeko. Horretarako, Aita Mennik laguntza osoa eskain zuen.
Solidaritatea HGKrekin
“Bazkide solidarioa” izateak ATECE Bizkaia elkartearekin loturak estutzea esan nahi du, eta beraz, Euskadiko HGK elkartze-mugimenduarekin ere bai, Euskadiko Hartutako Garineko Kalteko Elkarteen Federazioaren barruan dagoena (FEATECE). Hogei urte baino gehiagotan harremana izanda, Aita Menni Ospitaleak eta ATECE Bizkaia elkarteak beren lankidetza indartu dute. “Hau ‘gure” elkartea dela sentitzen dugu naturaltasunez’”, adierazi zuen Quemada doktoreak.
ATECE elkarteko “bazkide solidarioek” hartutako garuneko kalterantz jotzen dute beren erantzukizun soziala, eta borondatez ezartzen dute kuota baten ordainketa. Ekimen honekin, ATECE Bizkaia elkartea gizarte-laguntzako sare bat egiten saiatzen ari da garuneko kaltea duten pertsonentzat. Informazio gehiago hemen:
ATECE BIZKAIA
ASOCIACION DE DAÑO CEREBRAL ADQUIRIDO DE BIZKAIA
BIZKAIKO HARTUTAKO KALTE ZEREBRALAREN ELKARTEA
INFORMAZIOA ETA KONTAKTUA:
T. 94 448 40 45
