Ahizpa Ospitalarioen Berrikuntzako Erreferenteen I. Jardunaldian parte hartu dugu

Urtarrilaren 18an egin zen Ahizpa Ospitalarioen Proiektuen Talde Sustatzaile/Berrikuntza Behatokiaren lehen bilera, Madrilen. Aita Menniko zuzendari asistentzial Jose Luis Gironek gure erakundea ordezkatu zuen lan bilera horretan, non Ahizpa Ospitalarioen zentroetako berrikuntzako 21 erreferenteek parte hartu zuten. Jardunaldian parte hartu zuen, halaber, Pazientearen Kalitate eta Segurtasuneko gure arduradun Susana Fernandez-Mongek. Aita Menniko bi profesionalak Berrikuntzarako Probintzia Azpibatzordeko kideak dira.

Ahizpa Ospitalarioetan erakundearen garapen jasangarrirako funtsezko faktoretzat hartzen da berrikuntza. Berritzea arazoez edo erronkez bestelako irtenbideak bilatzeko prozesua da, gure interes taldeei balio erantsia eta elementu bereizgarriak emateko. Gure erakundearen iritziz, beharrezkoa da berrikuntzaren estrategia egituratu bat eta berrikuntza kultura bat garatzea, pertsonen beharrak erdigunean jartzen dituena.

Jardunaldi horretan —bertan izan ziren Eduard Soler, Parc Taulí korporazio sanitarioko Berrikuntza Unitateko koordinatzailea, Fernando Lopez, Behatokiaren aholkularia, eta Berrikuntzako Azpibatzordeko kideak—, Berrikuntzaren Esparru Planeko ekintzak eta ekimenak aurkeztu ziren, arloari zentro guztien artean koordinatuta ekiten laguntzeko.

Elkar ezagutzeko topaketa izateaz gain, egunaren zati bat prestakuntzara zuzendu zen, Eduard Solerren eskutik.

Jardunaldiaren balorazioa oso positiboa izan zen, berrikuntza erakundearen garapen jasangarrirako funtsezko faktore gisa lantzeko prozesuaren lehen urrats gisa.