Ahizpa Ospitalarien Boluntarioen I. Topaketa Nazionalean parte hartu dugu

10 pertsonaz osatutako taldea Aita Menniren ordezkari gisa aritu zen Prat del Llobregaten egindako lehen bilera honetan. “Alai jokatu zerbitzuan” goiburupean, kongregazioko 23 zentrotako 180 boluntariok beren esperientziak eta emozioak azaldu zituzten.

Joan den asteburuan Ahizpa Ospitalarien Boluntarioen I. Topaketaren lekukoa izan da. Arrasateko lau boluntariok eta Durangoko hiruk, Egoitza Zabalak, Aita Menniko Solidaritateko koordinatzaileak, eta Gema Reinaresek eta Arrate Romerok, gure boluntario-taldeko kideak gisa, parte hartu dute ekitaldian.

Joan den ekainaren 8, 9 eta 10ean Ahizpa Ospitalarien 23 zentrotako 180 pertsona izan ziren El Prat de Llobregaten (Bartzelona), Erakundeko 823 boluntarioren ordezkari gisa. Topaketa honen bidez, esperientziak partekatzeaz gain, artatzen ditugun pertsonei lagunduz egindako lan bikaina nabarmendu ere egin dute.

Larunbatean, ahizpa Rosa María Gutierrezek, Pastoraltzako kontseilariak, Espainiako Ahizpa Ospitalarien zuzendari-kudeatzailea den Alberto Martín de la Matak eta Francina Alsina y Canudasek, Gizarte Boluntariotzako Kataluniako Federazioko Lehendakariek, jardunaldiko programa inauguratu zuten.

Han izandako boluntarioek egindako bideari buruz hitz egin zuten eta proposamen zehatzak egin zituzten, datozen urteetan garatzekoak, solidaritatearen protagonistak baitira; beste mundu bat posible dela erakusten duena; gehienak baino desberdinagoa izateagatik inor baztertuta geratuko ez den mundu batean, beste pertsona batzuk baino ahulagoa izateagatik, edo estigmatizatzen duen diagnostiko bat izateagatik.

Boluntarioen I. Topaketa Nazional honen balantzea oso arrakastatsua izan da, esperientziak, ezagutzak, eta batik bat emozioak partekatu ahal izan zirelako. Ospitaleko boluntarioen bideari jarraitzera animatzen duen eta nahi duenak hemendik informazioa jasoz parte har dezakeen energia positiboko bultzada handia.

Gehien behar dutenei laguntzeko helburuarekin, gero eta boluntario gehiago daude Ahizpa Ospitalarien zentroetan. Erakundeak boluntarioak zaintzeko eta orientatzeko eginkizuna bere gain hartzen du, zerbitzua alaitasunez eta eskuzabaltasunez emanez.