Pastoraltza – Arreta espirituala
Aita Menni Ahizpa Ospitalarioetan, osasunaren zaintza zaintza integrala da: pertsonaren alderdi biologikoak, psikologikoak edo soziologikoak ez ezik, behar espiritualak eta erlijiosoak ere artatzen ditu.
Pastoraltza Zerbitzua – Arreta Espirituala eta Erlijiosoa gure zentroen asistentzia integralaren zati garrantzitsua da. Eskaintzen dugun arreta nahi duten pertsona guztiei eskaintzen zaie, eta gure egoiliar guztiei laguntzeko irekita dago, haien beharren, eskakizunen eta aukeren arabera. Laguntza espiritualak pertsonaren eskubideak, askatasuna, erlijiotasuna eta berezko tradizioak errespetatzen ditu.
Erakunde gisa, gure nortasuna leiala da Eliza Katolikoarekiko, baina eskaintzen dugun arreta ez da baztertzailea, inklusiboa baizik, eta, horregatik, beste sinesmen batzuetara irekita dago.
Eginkizunak
Pastoraltza Zerbitzuaren eginkizunak hauek dira:
- Laguntasun indibiduala hala nahi duen erabiltzaile orori.
Gure bizitzan zailtasunak aurkitzen ditugunean, askotan planteatzen dugu gure existentziaren zentzua eta gertatzen zaigunaren zergatia. Agian ezin dugu gure arazoez edo gure buruaz harago ikusi, eta, orduan, besteak hartzen du garrantzia, konfiantza, laguntza, entzutea eta konpainia eskaintzen digun horrek.
Galera, bakardade edo hauskortasun egoeren aurrean, gaixotasunaren, arazoen edo bizitzaren aurrean, laguntza espirituala eskaintzen dugu gure buruari bizitzaren zentzuari buruz galdetzen diogun uneetan.
- Harrera eta laguntasuna familientzat.
- Sakramentuak: nahi duten egoiliarrei sakramentuak ematea ahalbidetzea (jaunartzea, oliadura, adiskidetzea).
- Ospakizunak: egoiliarrei ospakizunetara joaten laguntzea.
- Bizikidetza eta animazio komunitarioa: Begiraletza/Animazio Soziokultural, Gizarte Lan eta Boluntariotza arloekin lankidetzan, Familia Ospitalarioarentzat esanguratsuak diren egunen inguruko jarduerak eta ospakizunak antolatzen laguntzen dugu, hala nola San Benito Menniren urteurrenean, Gabonetan edo Aste Santuan.
Pastoraltza Zerbitzuaren arduraduna
Egoitz Zabala
[email protected]
Tel. 943 794 411