2024ko Inauteriak: Aita Mennik Eurovision oso berezia antolatu du
2024an, Inauterietan beti gertatzen den bezala, profesionalen eta pazienteen sormenak eta jai senak pozez bete dituzte zentroko txoko guztiak, eta, batez ere, gune komunak. Otsailaren 13ko goizean, Inauterietako asteartean, Aita Menni Ospitaleko ekitaldi aretoa jai eta energia beteko giroarekin kutsatu zen. Protagonista gisa, Eurovision Jaialdia, inauteri hauetako gai nagusi bihurtu dena.
Inauterietako jaialdi ikusgarria
“Aurten, ospakizuna ‘beste maila’ batera eramatea erabaki dugu ospitalean, eta, horretarako, Eurovision berezi bat antolatu dugu”, esan digu Errehabilitazio eta Gizarte Dinamizazio Zerbitzuko arduradun Amaia Bulumburuk. Jaialdia arrakastatsua, oso koloretsua eta dibertigarria izan zen; begirale zein pazienteek beren mozorro eurobisiboak zabaldu zituzten, eta sormena eta umore ona erakutsi zituzten beren koreografietan eta eszenaratzean.
Begiraleek eman zioten hasiera ikuskizunari ,eurek prestatutako koreografia batekin, eta zoragarria izan zen. Beti bezala, begiraleak eta laguntzaileak zein pazienteak buru-belarri inplikatu ziren. Unitate bakoitzak bere talentua erakusteko aukera ere izan zuen, eta ondoren pazienteek ere banaka berea erakutsi ahal izan zuten, abesti, poema edo bestelako ekarpen sortzaileekin. “Emanaldiak benetan dibertigarriak izan ziren, joko handia eman zuten eta barre asko egin genuen. Hainbat erizain, laguntzaile eta senidek bat egin zuten emanaldia ikusteko. Familia horiei eskerrak eman nahi dizkiegu honaino hurbiltzeko ahaleginagatik”, gaineratu du gure psikologoak.
Galaren aurkezleek benetan ondo egin zuten. Gainera, funtzioa parte hartzaileagoa izan zedin, ekitaldi aretoko eserleku bakoitzean kartulinazko piruleta moduko bat jarri zen, bi kolorerekin, emanaldi bakoitzaren ondoren, publikoak gustatu zitzaion ala ez bozka zezan, baiezkoarentzat berdea eta ezezkoarentzat gorria erabiliz. Jende guztiak txalo asko eta botoekin parte hartu zuen.
Arratsaldean, festa informalago bat antolatu zen, eta senide eta boluntario batzuk bertaratu ziren. Galeria musikaz eta dantzaz bete zen. Goizean bezala, giroa oso atsegina eta dibertigarria izan zen, parte hartze handiarekin, denon gozamenerako. Beti bezala, bizkotxoekin lagundutako txokolatadak oso harrera ona izan zuen eta egun dibertigarri horren amaiera markatu zuen.
